𝗗𝗶𝗹𝗶, 𝟬𝟭 𝗢𝘂𝘁𝘂𝗯𝗿𝘂 𝗱𝗲 𝟮𝟬𝟮𝟲

Iha ámbitu fiskalizasaun orsamentál, Komisaun C Parlamentu Nasionál ne'ebé trata asuntu Finansas Públikas, realiza audiénsia ho Ministériu lima kona-bá ezekusaun orsamentál bá trimestre daruak tinan 2026.

Audiénsia ne'e realiza iha Sala Konferénsia Komisaun C, Parlamentu Nasionál, Dili, iha kinta-feira ne'e ho objetivu atu avalia nivel ezekusaun orsamentál, progresu implementasaun programa no dezafiu sira ne'ebé enfrenta durante trimestre daruak.

Ministériu lima ne'ebé partisipa iha audiénsia ne'e mak : Ministériu Obras Públikas (MOP), Ministériu Transporte no Telekomunikasaun (MTK); Ministériu Petróleu no Rekursu Minerais (MPRM) ; Ministériu Planeamentu no Investimentu Estratéjiku (MPIE); Ministériu Finansas.

Iha audiénsia ne'e, kada Ministériu aprezenta relatóriu ezekusaun orsamentu, inklui taxa ezekusaun finanseira no fízika nomos progresu projetu kapitál dezenvolvimentu sira. Komisaun C apresia esforsu Ministériu sira nian no husu atu kontinua hadi'a ritmu ezekusaun hodi garante katak orsamentu ne'ebé aloka bele benefisia duni populasaun.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*