Dili, 23 Setembro 2025

Sua Exelênsia Sekretario Estado Protesaun Sivíl (SEPS), Domingos Mariano Reis, hamutuk ho Prezidenti APC Jesuíno dos Reis Matos de Carvalho, ho ekipa Bombeirus hotu, simu delegasaun vice - Presidente da Lingua Bombeirus Portugueses (LBP), Marco Filipe Simão Martins husi Portugal, Komandante servisu Protesaun Sivíl Bombeiros João Bernarodo Ambrosio no komisário Bombeiros prinsipal Bravo Pereira Mendes, hamutuk ho embaixador Angola iha Timor-Leste, representantes Uniaun Bombeiros Paises Língua Portuguesa (UBPLP), iha loron Tersa – Feira 23 de Setembru 2025 iha edifisiu APC Kaikoli Dili.

Objetivu husi delegasaun UBPLP sira ne᾽e vijita atu entrega oficial mascote husi Uniaun Bombeiros husi Paises Língua Portuguesa ba ekipa Bombeirus Timor - Leste.

Tamba ne᾽e Sekretariu Estadu Protesaun Sivíl (SEPS), Domingos Mariano Reis lori Governo Timor - Leste nia naran Hato᾽o onra bo᾽ot no Bemvindu ba imi konferénsia ida ne'e kona-ba transferénsia símbolu mascote bombeiros husi prezidensia uniaun bombeiros pais sira lian portuges nian.

“ha'u agradese tebes ba prezensa (UBPLP), nian, ne'ebé partisipa ona iha programa ne'e, hodi hato'o kompromisu maka'as Timor-Leste nian ba protesaun sivíl no kooperasaun internasionál. Audiénsia espesiál ida ba komisaun Republika Angola nian, ne'ebé ami rekoñese serbisu ne'ebé maka'as durante nia mandatu iha prezidénsia UBPLP nian. Benvindu mós ba prezensa komisaun Republika Portugal nian, ne'ebé ninia esperiénsia no apoiu tékniku ne'e esensiál tebes ba reforsu kapasidade Protesaun Sivíl. UBPLP no espresa ita nia solidariedade no ita nia komitmentu komún ba seguransa no moris di'ak povu nian. Ida ne'e promove troka koñesimentu, treinamentu ba ita-nia bombeiros sira no hametin reziliensia iha ita-nia nasaun sira.

Tamba ne᾽e nia apela ba bombeiros Timor-Leste, foti prezidénsia ida ne'e nu᾽udar orgullu bo᾽ot, maibé nia dehan oportunidade ida ne᾽e nu᾽udar responsabilidade bo᾽ot ba Timor - Leste.

Nune᾽e governante husu Bombeiros hotu atu lidera prezidenisial ida ne᾽e ho haraik an, promove diálogu, parseria no kooperasaun ne'ebé justu entre nasaun membru hotu-hotu. “ba Uniaun de Paises Lingua Portuguesa ho ita nia akordo bilateral ne᾽e hanesan CPLP sei hetan benefisiu barak, liu-liu sei partilla formasaun avansada ba bombeiros sira no sei apoiu mos ekipamentu avansado hanesan ekipamentu sira ne᾽ebe mak hanesan buska salvamentu, atu nune᾽e bele hasa᾽e di᾽ak liu tan kapasidade bombeiros hotu iha Timor-Leste.

Aliende ne’e iha seremonia entrega Mascote UBPLP Komisário Bombeiros prinsipal, Bravo Pereira Mendes hateten ha'u permite an iha servisu Protesaun Sivil no Bombeirus husi Repúblika angola, husi delegasaun ne'ebé akompaña ha'u ho ekipa, hakarak hato'o ami-nia satisfasaun ne'ebé bo’ot tebes iha kona-ba vizita ba darua ba nasan maravilhosu ne'e, liu-liu ba Timor - Leste. Nune'e mos, ami hakarak hato'o ami-nia agradesimentu ba konvite ne'ebé hato'o husi Presidente Autoridade Protesaun Sivil Jesuíno dos Reis Matos de carvalho, hodi mai ba Repúblika Demokratika Timor - Leste, hodi halo entrega ofisiál mascote husi União Bombeiros Países de Língua Portuguesa (UBPLP) ba Repúblika Demokratika de Timor - Leste, iha funsaun nu'udar prezidente atuál UBPLP ba Tinan 2025-2026.

Exelénsia, União Bombeiros Países Língua Portuguesa (UBPLP) haktuir iha 2007, iha inisiativa husi Bombeiros Portuguesa, hako’ak an nu'udar plataforma ne'ebé hatudu sira nia efekasaun ba reforsu koperasaun entre ami nia órgaun, promove interkámbiu institusionál no mekanismu vantagen bo’ot no resíproku.

Órgaun Protesaun Sivil no Bombeirus husi estadu membru (UBPLP), halo kontaktu ho organizasaun ne'e, hodi estabelese troka informasaun téknika, partilha esperiénsia, formasaun no kapasitasaun, inklui mos halo projetu iha ami nia espesialidade no iha interese komún. Ba razaun ne'e, ami konsegue katak ida ne'e nu'udar fórum privilejiadu no importánsia vitál iha bombeirus husi ami nia komunidade, hodi halo julgamentu ba asuntu ne'ebé envolvidu.

Prezensa hotu-hotu nian iha enkontru ne'e, la'ós de'it konfigura materializasaun kompromisu ne'ebé ami asume iha luanda, iha okaziaun assembleia jerál UBPLP ba dala VII, iha periódu husi 27 to'o 29 Novembru 2024, maibe hatudu vontade ami nia Instituisaun sira hodi hametin no reforma relasaun koperasaun nian no halo sira sai bo’ot liu tan. Ba faktu ne'e, ha'u korajen tebes ba Diresaun Nasionál Bombeirus Timor-Leste, nia pesoál no ba ha'u-nia homólogu liu liu, hodi halo mandatu ida-ne'ebé ezeplar no satisfatóriu tebes iha sira-nia ezersiu funsaun iha kadru prezidénsia UBPLP.’’hateten Bravo Pereira Mendes’’

Link: https://www.facebook.com/share/p/1aQhGdqcw2/