Viqueque, 05 Outubru 2026 Ministeriu Agrikultura Pekuária, Peska no Floresta (MAPPF) liu husi Secretario Estado Pescas (SEP) hamutuk ho agrikultòr sira koilleta hare uza makina agrikola modernu iha area natar ai-manas rai, Suku Luca, Postu Administrativu Vikeke Villa.

Iha Diskursu SEP Domingos Da Conseição Dos Santos ‘’Mau-Caro’’ esplika koilleta hare iha area natar ai-manas rai totàl 52 ektare, totàl area natar 80 ektare, maibe foin utiliza 60 ektare, mesmu ho agrikultór sira nia enerjia rasik maibè sira konsege halo natar to 60 ha ne'e diak tebes" ha'u reprezenta Ministru mai iha ne’e atu motiva agrikultór sira iha Espiritu no vontade, iha Disiplina atu halo servisu atu nune’e mehi hodi kore povu husi kiak no mukit ne’e la’os governu de’it maibe konta ho ita boot sira nia kontribuisaun atu hari estadu ida ne’ebé metin no forte liu tan.” Katak SEP

SEP hatutan, Ministériu apoiu ona makina modernu ne’e pelumenus iha rezultadu ne’ebé diak hodi bele kontinua nafatin to’o koilleta, iha tinan kotuk liu ba produsaun menus kada tinan 2-3 ton/h, maibe husi ekipamentu modernu ida ne’e hatudu ona katak rezultadu produsaun 4.6 ton/h, ida ne’e progresu ida diak teb tebes, hau apresia ho imi nia servisu no joven sira tenke banati tuir.

Iha fatin hanesan, xefe grupu Ai-manas rai Mateus Soares Akresenta nia parte senti kontente tebes ho makina agrikola modernu ne’ebé mak iha atu nune’e sira bele hasa’e produsaun, tanba durante ne’e sira uza manual deit ho nune’e nia folin aas ituan tanba gastus barak ituan hodi selu ema halo servisu, maibe ba futuru sira hakarak organiza joven sira ne’ebé hakarak halo natar hodi hamutuk hasa’e produsaun liu husi utilizasaun makina agrikola modernu. Tanba ne’e sira konvida membru Governu sira atu bele hare sira nia grupu ne’e hakarak atu susesu ba oin, hakarak atu atrai ema no loke tan natar halo luan tan ida ne’e mak sira nia interese.

“Difikuldade ne’ebé mak ami hasoru makina sira ne’e sei menus ba ami tanba ne’e rai barak sei abandona uluk 60 h maibe agora 52 h tanba tractor ami fahe la to’o atu utiliza no husu nafatin atu halos ami nia kanal bee atu nune’e ami labele hadau malu bee, maibe ho governu nia planu prontu apoiu ami maka sei servisu hamutuk ho governu atu hasa’e produsaun iha Timor Leste liu liu iha Munisípiu Vikeke.” Tenik agrikultór

Aktividade ne’e Partisipa husi Reprezentante PAM Viikeke, Comandante PNTL Vikeke, Xefe Suku, DG ACPI, Extensionista, Funsionarius no agrikultór Luca.