Iha sesaun PDB, Diretór ba Diresaun Nasional Empregu Estranjeiru – DNEE. Joao Correia Pereira, hatete "Objetivu no knaar husi servisu Pre-Departure Briefing (PDB) atu prepara traballadór sira husi Timor-Leste molok ba servisu Nova Zelândia, asegura katak imi komprende moris, servisu, direitu, no obrigasaun sira iha ne’ebá."

Iha sorin seluk Diretór enkoraja fen ho lae tenki mantein amizade no fo konfiansa ba malu no halo komunikasaun nafatin diak, no traballador tenki tau disiplina/atitude nebe'e diak tamba ita ba ho bandeira RDTL, no representa Nasaun Timor Leste, no hatudu komportamentu diak iha servisu nia laran no nafatin respeitu Regras servisu nian, atu nune'e iha komfiansa nafatin ho Empregador sira.

PDB dezeña atu Ajuda imi traballadór sira hodi komprende no prepara ba moris no serbisu iha Nova Zelândia, PDB hanesan Fornese informasaun esensiál atu nune'e imi traballadór sira preparadu fíziku, mentál, kulturál no prátikamente no hamenus risku sira ne'ebé asosiadu ho dezentendimentu sira kona-ba regra sira serbisu nian, kondisaun moris nian, ka direitu traballadór sira-nian.

Aleimde ne'e mos PDB sai hanesan sesaun informasaun obrigatóriu ne’ebé atu prepara traballadór sira ba ambiente no kultura foun iha rai Nova Zelândia, dehan (Diretór DNEE).

total trabalhador hamutuk 85, kompostu husi mane nain 75 no feto nain 10 no Husi total traballador hirak ne’e sei ba servisu iha kompaña 3 hanesan: JCR services & limited : 10 (Mane)

TeamWork Hawkes Bay, LTD, (45 - Mane 35 Feto 10), no Mr. Apple : (30 Mane.)