Liquiça loron 5, fulan-Outubru, tinan 2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed hamutuk ho Prezidente Autoridade Munisípiu Likiça, lansa Fatuk dahuluk ba sentru formasaun lian Inglés iha Munisípiu tolu, hanesan Manatuto, Lautem no ofisiálmente lansa iha Munisípiu Liquiça.

Iha diskursu prezidente Autoridade hateten, husi sentru formasaun ne'ebé mak ohin lansa ba futuru sei prepaea traballadór ida ne'ebé mak ho abilidade ne'ebé diak ba servisu iha nasaun sira ne'ebé mak SEFOPE hala'o Kooperasaun ba.

"Hau fiar katak ho lansamentu ida ne'e, ita sei prepara Juventude barak husi Munisípiu Liquiça, barak mak sei mai tuir sentru formasaun iha ne'e hodi prepara traballadór ida di'ak ba iha futuru" hateten Prezidente Autoridade Munisípiu Liquiça iha fatin serimónia.

Iha fatin hanesan Sekretáriu Estadu mós hato'o nia apresiasaun ba Diretór SEFOPE Munisípiu, Diretór BANSONE tanba bele realiza serimònia ida ne'e.

"Apresia ba Diretór Munisipiu Liquiça no Diretór Sentru Formasaun Bansone ho Prezidente Autoridade tanba ohin ita bele realiza serimónia ba Lansamentu sentru formasaun Lian Inglês iha fatin ida ne'e" hateten Sekretáriu Estadu.

Sekretáriu Estadu mos fundamenta katak, foin dahuluk SEFOPE harii sentru formasaun lian Inglés iha Munisípiu Liquiça hodi prepara Joven sira ba Merkadu traballu.

"Konstrusaun ba iha Munisipiu Liquiça inklui munisipiu Manatuto no Lautem ofisiálmente ita lansa iha Munisípiu Liquiça, Ita hatene politika IX Governu liu husi SEFOPE garante formasaun ida kualidade ba ita nia joven sira hodi prepara ba merkadu traballu iha futuru no foin primeira Vez iha Munisípiu Liquiça ita harii sentru formasaun lian Inglês," Dehan Sekretáriu Estadu.

Sekretáriu Estadu SEFOPE akresenta katak, husi sentru formasaun ida, Joven sira la presiza ba Dili gasta osan barak, tanba sentru ida ne'e prepara ba Joven sira.

"Fatin ida ne'e sai hanesan fatin ba aprende, ita hatene katak kada tinan ita nia Joven barak mak ba Dili hodi aprende, ho nune'e mak ita nia politika, hakarak lori sentru formasaun mai iha Munisípiu hodi rezu ita-nia Joven sira la bele ba barak iha Dili hodi gasta sira nia osan, tuir planu ita sei hari sentru formasaun to ba postu sira"tenik Sekretáriu Estadu.