Asuntu : 𝗘𝗞𝗜𝗣𝗔 𝗥𝗘𝗩𝗜𝗭𝗔𝗨𝗡 𝗟𝗞𝗩𝗗, 𝗔𝗣𝗥𝗘𝗭𝗘𝗡𝗧𝗔 𝗥𝗘𝗟𝗔𝗧Ó𝗥𝗜𝗨 𝗣𝗥𝗘𝗟𝗜𝗠𝗜𝗡Á𝗥 𝗗Í𝗟𝗜, 𝗠𝗝 — 𝗦𝗲𝘀𝘁𝗮-𝗳𝗲𝗶𝗿𝗮 𝟭𝟵 𝗦𝗲𝘁𝗲𝗺𝗯𝗿𝘂 𝟮𝟬𝟮𝟱, Sua-Eselénsia Ministru Justisa, Dr. Sérgio de Jesus Fernandes da Costa Hornai, hamutuk ho Sua-Eselénsia Sekretária Estadu Igualdade, Dra. Elvina de Sousa Carvalho hola-parte iha ambitu aprezentasaun no diskusaun hosi grupu traballu relatóriu preliminár kona-ba Lei Kontra Violénsia Domestika (LKVD sigla tetun), iha Ministériu Justisa, Colmera, Díli. “Ohin ita bele tau hamutuk iha sura-tahan ida, hodi nune’e, bele prokura revogasaun ka alterasaun ruma ba iha proposta alterasaun kontra violénsia domenstika ne’e.”Ministru Justisa hateten molok aprezenta no diskusaun ba proposta ida-ne'e. Ministru Justisa reafirma, ekipa ida-ne’e konsolidadu, integra Diretór Jerál sira, Diretór Nasionál sira, no mos parseiru organizasaun sira hotu, hanesan: Asisténsia Legál ba Feto no Labarik (ALFeLa), The Asia Foundation (TAF) – NABILAN, REDE FETO, Judicial System Monitoring Programme (JSMP), FOKUPERS no seluk tan. Grupu traballu ne’e, komposta hosi Minsitériu Justisa liuhosi Diresaun Nasional Asesoria no Lejizlasaun, Sekretária Estadu Igualdade, parseiru estratéjiku Dezenvolvimentu Nasionál sira. Iha relatoriu preliminár ne’e, aprezenta Proposta kona-bá Alterasaun Lei Kontra Violénsia Doméstika, ne’ebé foka liu ba konseitu krime insestu, hodi fortalese protesaun no prevensaun ba família iha Timor-Leste. Fontes: https://www.facebook.com/share/p/1BC5ctwMXb/
Data Publica : 25 Sep 2025
Descrisaun :
