02 Outubru 2026: Dirijente hosi Ministériu Saúde (MdS) hamutuk ho ekipa Forsa Defesa Timor-Leste (FDTL) hala’o enkontru hodi diskute kona-ba Planu Kooperasaun iha Futuru liu-liu iha área Saúde, Iha Salaun Enkontru, Palácio das Cinzas, Caicoli, Dili.

Enkontru ne’e lidera hosi Diretór-Jerál ba Servisu Korporativu (DJSC) no Diretór Jerál ba Planu, Polítika, Kooperasaun no Dezenvolvimentu Saúde (DJPPKDS) no Ekipa FDTL lidera hosi Xefe Gabinete ba Vise-Xefi Estadu-Maior, hamutuk ho Koronél Guido de Oliveira, ne’ebé hala’o knaar nu’udar Supervizór ba Diresaun Saúde Militár.

Iha enkontru ne’e parte rua troka hanoin kona-ba oportunidade atu hametin kooperasaun iha área oioin, inklui diskute mós kona-ba Dezenvolvimentu Rekursu Umanu, Formasaun Espesializada no Atividade Kooperasaun sira ne’ebé bele konsidera ba futuru.

Diskusaun ne’e fó oportunidade ba Instituisaun rua atu ko’alia kona-ba prioridade no planu sira ne’ebé bele kontribui ba kooperasaun entre Ministériu Saúde no F-FDTL iha área saúde.

#MídiaPalácioDasCinzas