Ministériu Saúde (MdS) Liuhosi Ekipa Gabinete Inspesaun no Auditoria Saúde (GIAS), lidera husi Chefe Departamentu Inspesaun Saúde, Sr. Jeronimo Freitas,Lic., Dir., M.Kes, hamutuk ho ekipa kontinua hala’o atividade inspesaun ba Graciela Medical Farmásia, iha Dili.

Inspesaun ne’e hala’o hodi verifika no asegura katak atividade no operasaun estabelecimentu saúde privada kontinua kumpre rekizitu no regulamentasaun ne’ebé vigora, tuir Decreto-Lei n.º 23/2020, 10 Juñu, primeira alterasaun ba Decreto-Lei n.º 18/2004 kona-ba Unidades Privadas de Saúde, no ba aspetu farmasêutiku, Decreto-Lei n.º 2/2025, 22 Janeiru, kona-ba Regime de Importação, Armazenamento, Distribuição, Venda e Exportação de Produtos Farmacêuticos e Equipamentos Médicos.

Atividade ne’e parte husi esforsu GIAS-MS atu fortalece supervizaun no asegura kumprimentu ba padraun no regulamentasaun saúde, hodi promove seguransa no qualidade servisu ba komunidade.

#MídiaPalácioDasCinzas