Asuntu : Governu Agradese ba Vizita Orgaun Lejizlador sira no Reafirma Kompromisu ba Dezenvolvimentu Nasional S.E Adérito Hugo da Costa representa Governo halao diálogu konstrutívu ho deputadu sira hodi relata progresu projetu infraestrutura sira nebe lao hela iha diskusan plenaria iha loron segunda 23 setembro 2025. Imagen/©MediaGVMAP/Sergio Silva Dili, 23 Setembro 2025 – Sesaun plenária Parlamentu Nasional Timor-Leste nian ne’ebé hala’o iha tersa-feira semana ne marka mos diskusaun konstrutívu entre deputadu sira no representante governu nian hodi relata progresu projetus infraestrutura sira no kompromisius governo nian hodi responde ba nesesidade populasaun nian. Governu liuhusi Vise-Ministru ba Asuntus Parlamentares (VMAP, S.E Adérito Hugo da Costa fó agradese ba orgaun lejizlador Parlamentu Nasional nian ne’ebé halo ona vizita eleitoral durante tempu resesu iha terenu, hodi observa situasaun dezempenu servisu IX Governu nian no kontinua alerta hodi garante katak governu kontinua kumpri nia kompromisu ba nesesidade Povu no Nasaun nian. Vise-Ministru ba Asuntu Parlamentar sira, Sr. Aderito Hugo da Costa, konfirma katak Governu hetan ona konfirmasaun husi Ministériu Obras Públika atu kontinua tau atensaun ba projetu sira tuir mai: Estrada sira iha Prosesu mak hanesan Inisiativa Foun sira ne’ebé atu implementa mak hanesan : Projetu sira ne’ebé iha Preparasaun mak hanesan Lospalos Iliomar (Dadaun iha faze preparasaun dezeñu), Estrada Glenu-Letefoho-Atsabe-Lourba (Lansa ona husi Ministériu Obras Públika), Projetu Ainaro-Vila (Ho asesu ba impréstímu Banku Mundial ho valor $59 millaun dólares, dadaun iha koordenasaun ho ministériu relevante sira). Projetu Irigasaun sira – Progresu Boot, no Inaugurasaun iha Tempu Badak Irigasaun iha Venilale kontinuasaun husi VIII Governu, mantein husi IX Governu, ho inaugurasaun sei hala’o iha tempu badak. Irigasaun Boot iha Mota Irabere ho Valór: $10 millaun dólares nebe lansa ona iha semana kotuk no partisipasaun masimu husi komunidade Uatukarbau no Iliomar, no Involve mós autoridade lokál sira husi área referensiadu sira Alem de ida ne, Orgaun lejizlador sira mos esplika sira-nia preokupasaun kona-ba asuntu edukasaun ne’ebé liga ba professor sira ne’ebé, Liu teste, konsidera hanesan funsionáriu públiku no sira ne’e sei nafatin hala’o kontratu no hanesan ajente administrasaun. Nune’e Resposta Governu nian liuhusi Vise-Ministru ba Asuntus Parlamentares kompromete atu haruka problema sira ne’ebé distintu ne’ebé deputadu sira foti iha plenária ba ministériu kompetente sira, hodi hetan resposta detalladu. Sesaun plenária ne’e mós destaka apoiu kondisionál husi deputadu sira husi kuadrante polítiku oioin ba admisaun Timor-Leste nian hanesan membru kompletu ASEAN (Asosiasaun Nasaun Sudeste Ázia nian), rekonese ne’e hanesan medida estratéjiku atu konsolida pozisaun Timor-Leste nian iha rejiaun. Durante sesaun plenaria ne’e deskute mos área seluk hanesan Administrasaun Públika, Agrikultura no Seguransa Ai-han, Saúde no Edukasaun, Dezenvolvimentu Sosiál, Kombustível no Enerjia. Plenária ne’e mós informa kona-ba vizita privada Prezidente Repúblika nian ba Portugal (1-8 Outubru 2025) atu desfruir férias no partisipa iha serimónia kondekorasaun ida. Sesaun plenária ne’e hatudu diálogu loke no konstrutívu ne’ebé karakteriza empeñu koletívu Timor-Leste nian atu hasoru dezafiu sira no harii futuru promisór liu ba sidadaun hotu-hotu. Governu reafirma nia kompromisu ba dezenvolvimentu nasional liu husi projetu konkretu infraestrutura no hadia servisu públiku sira. ©MediaGVMAP
Data Publica : 26 Sep 2025
Descrisaun :
