𝗔𝘁𝗮ú𝗿𝗼, 𝟭𝟱 𝗢𝘂𝘁𝘂𝗯𝗿𝘂 𝟮𝟬𝟮𝟲-Ministru Komérsiu no Indústria, Sr. Nino Pereira, hamutuk ho Embaixadór Índia mai Timor-Leste ho ninia espoza, akompaña husi Prezidente Autoridade Ataúro no komitiva tomak, halo vizita ba stand sira iha Feira Ai-han Mundial,nu'udar parte husi komemorasaun Loron Ai-han Mundial, ne'ebé hala'o iha Aldeia Usubemaçu, Suku Beloi, Autoriedade Administrativu Ataúro Vila.

Komemorasaun loron Ai-han Mundial ne’e ho tema “𝙄𝙣𝙤𝙫𝙖𝙨𝙖𝙪𝙣 𝙊𝙝𝙞𝙣 𝙇𝙤𝙧𝙤𝙣, 𝙉𝙪𝙩𝙧𝙞𝙨𝙖𝙪𝙣 𝙇𝙤𝙧𝙤𝙣 𝘼𝙗𝙖𝙣,” feira ne'e aprezenta ai-han lokál sira ne'ebé prodús iha illa Ataúro, inklui produtu inovativu ne'ebé transforma husi fehuk-midar no lakeru ba bolu, aidila fuan ba keripik, pudin no produtu seluk tan.

Iha biban ne'e, Ministru Nino Pereira hato'o ninia apresiasaun boot ba kreatividade no inovasaun ne'ebé hatudu husi inan-feton no joven sira, ne'ebé ho liman badinas transforma produtu lokál ba produtu ho valór ekonómiku aas.

Apresiasaun husi Ministru sai hanesan motivasaun boot ba inan-feton no joven sira atu kontinua dezenvolve produtu lokál, hametin ekonomia família no kontribui ba dezenvolvimentu ekonomia lokál iha Ataúro.

Aleinde nemos iha aban sexta-feira, 16 Outubru 2026, sei realiza eventu Atauro Weekly Export Market, ne'ebé sei envolve partisipante husi Indonézia, liuliu Provínsia Nusa Tenggara Timur (NTT) no Provínsia Maluku Barat Daya, inklui illa sira hanesan Liran no Wetar. Eventu ida-ne'e sai oportunidade importante atu promove produtu lokál, hametin kooperasaun komérsiu transfronteirisu no haburas merkadu esportasaun entre Timor-Leste no Indonézia.

*#MCI #Atauro #LoronMundialAihan #AihanLokal #TimorLeste

See less