Atauro, 16 Outubru 2026 — IX Governu Konstitusionál liuhusi Ministériu Komérsiu no Indústria (MCI) lansa 𝗔𝘁𝗮𝘂𝗿𝗼 𝗪𝗲𝗲𝗸𝗹𝘆 𝗘𝘅𝗽𝗼𝗿𝘁 𝗠𝗮𝗿𝗸𝗲𝘁 ho tema”𝘗𝘳𝘰𝘮𝘰𝘷𝘦 𝘒𝘰𝘮é𝘳𝘴𝘪𝘶 𝘍𝘳𝘰𝘯𝘵𝘦𝘪𝘳𝘢 𝘯𝘰 𝘏𝘢𝘮𝘦𝘵𝘪𝘯 𝘌𝘬𝘰𝘯𝘰𝘮𝘪𝘢 𝘒𝘰𝘮𝘶𝘯𝘪𝘥𝘢𝘥𝘦”, iha ámbitu komemorasaun Loron Ai-han Mundiál, ne'ebé hala'o iha Aldeia Usubemasu, Suku Beloi, Postu Administrativu Atauro.

Atividade ne'e lansa husi Ministru Komérsiu no Indústria, Sr. Nino Pereira, akompaña husi Prezidente Autoridade Atauro, Sr. Mateus Belo, Embaixadór Índia, Sr. Patiyal, Delegasaun husi Indonézia, liñas ministeriais, PNTL, F-FDTL, reprezentante Igreja, Diretores no funsionáriu MCI, emprezáriu lokál no komunidade Atauro.

Atauro Weekly Export Market ne'e ho objetivu atu promove komérsiu fronteira (Border Trade) entre Timor-Leste no Indonézia, loke asesu merkadu ba produtu lokál Atauro nian, liu-liu produtu agrikultura, peska, artezenatu no produtu transformadu ne'ebé organiku no iha kualidade.

Aleinde ne'e, atividade ne'e mós hakarak empodera Mikro, Pequeña no Média Empreza (MPME) sira hodi hametin ekonomia komunidade, nune'e mós hametin seguransa ai-han no promove konsumu produtu lokál.

Iha diskursu, Ministru Nino Pereira hateten, ohin loron ne'e loron importante tebes ba ita hamutuk iha ne'e la'ós de'it atu komemora loron Ai-han Mundial (World Food Day), maibé atu loke dalan foun ba ita nia ekonomia, liu-liu ba ita nia komunidade iha Atauro.

“𝘈𝘵𝘢𝘶𝘳𝘰 𝘞𝘦𝘦𝘬𝘭𝘺 𝘌𝘹𝘱𝘰𝘳𝘵 𝘔𝘢𝘳𝘬𝘦𝘵 𝘭𝘢'ó𝘴 𝘥𝘦'𝘪𝘵 𝘮𝘦𝘳𝘬𝘢𝘥𝘶 𝘣𝘢𝘪𝘣𝘢𝘪𝘯, 𝘮𝘢𝘪𝘣é 𝘱𝘢𝘴𝘶 𝘪𝘮𝘱𝘰𝘳𝘵𝘢𝘯𝘵𝘦 𝘪𝘥𝘢 𝘢𝘵𝘶 𝘵𝘳𝘢𝘯𝘴𝘧𝘰𝘳𝘮𝘢 𝘱𝘰𝘵é𝘯𝘴𝘪𝘢 𝘭𝘰𝘬á𝘭 𝘴𝘢𝘪 𝘰𝘱𝘰𝘳𝘵𝘶𝘯𝘪𝘥𝘢𝘥𝘦 𝘦𝘬𝘰𝘯ó𝘮𝘪𝘬𝘢, 𝘯𝘰 𝘈𝘵𝘢𝘶𝘳𝘰 𝘭𝘢'ó𝘴 𝘥𝘦'𝘪𝘵 𝘪𝘭𝘭𝘢 𝘵𝘶𝘳í𝘴𝘵𝘪𝘬𝘢, 𝘮𝘢𝘪𝘣é 𝘮ó𝘴 𝘴𝘦𝘯𝘵𝘳𝘶 𝘦𝘬𝘰𝘯ó𝘮𝘪𝘬𝘶 𝘧𝘰𝘶𝘯 𝘣𝘢 𝘬𝘰𝘮é𝘳𝘴𝘪𝘶 𝘧𝘳𝘰𝘯𝘵𝘦𝘪𝘳𝘢. 𝘈𝘵𝘢𝘶𝘳𝘰 𝘞𝘦𝘦𝘬𝘭𝘺 𝘌𝘹𝘱𝘰𝘳𝘵 𝘔𝘢𝘳𝘬𝘦𝘵 𝘴𝘦𝘪 𝘧𝘶𝘯𝘴𝘪𝘰𝘯𝘢 𝘯𝘶'𝘶𝘥𝘢𝘳 𝘮𝘦𝘳𝘬𝘢𝘥𝘶 𝘦𝘴𝘱𝘰𝘳𝘵𝘢𝘴𝘢𝘶𝘯 𝘴𝘦𝘮𝘢𝘯𝘢𝘭, 𝘧𝘢𝘵𝘪𝘯 𝘢𝘵𝘶 𝘩𝘢𝘵𝘶𝘥𝘶, 𝘱𝘳𝘰𝘮𝘰𝘷𝘦 𝘯𝘰 𝘧𝘢'𝘢𝘯 𝘱𝘳𝘰𝘥𝘶𝘵𝘶 𝘭𝘰𝘬á𝘭 𝘥𝘪𝘳𝘦𝘵𝘢 𝘣𝘢 𝘬𝘰𝘮𝘱𝘳𝘢𝘥ó𝘳 𝘯𝘢𝘴𝘪𝘰𝘯á𝘭 𝘯𝘰 𝘪𝘯𝘵𝘦𝘳𝘯𝘢𝘴𝘪𝘰𝘯á𝘭, 𝘭𝘪𝘶𝘭𝘪𝘶 𝘩𝘶𝘴𝘪 𝘐𝘯𝘥𝘰𝘯é𝘻𝘪𝘢.”_hateten Ministru MCI.

Iha fatin hanesan, Prezidente Autoridade Munisípiu Atauro mós subliña katak ho lansamentu Export Market ne'e, Governu hakarak transforma poténsia lokál sai rendimentu reál ba komunidade, hametin relasaun di'ak ho Indonézia, no prepara Timor-Leste ba integrasaun ASEAN.

Atividade ne'e hatudu kompromisu Governu nian atu prepara Timor-Leste ba integrasaun ASEAN, liuhusi hadi'a kualidade produtu, hametin emprezáriu lokál no hametin relasaun amizade ho nasaun viziñu.

*Produtu lokál forte, komunidade forte, Timor-Leste forte.*

#MCI #AtauroWeeklyExportMarket #CrossBorderTrade #WorldFoodDay #EkonomiaKomunidade #TimorLeste #ASEAN

See less