DILI, 25 Setembru 2025 – Ministru Juventude, Desportu, Arte no Kultura (MJDAK), Nelyo Isaac Sarmento, realiza sorumutu ho Koordenadór Rezidente ONU nian iha Timor-Leste Sra. Olufunmilayo (Funmi) Abosede Balogun-Alexander, iha salaun Magna MJDAK, Lecidere. Enkontru ne’e atu diskute proposta ida kona-ba kriasaun servisu empregu ba juventude iha munisípiu sira.

Iha enkontru ne’e, Koordenadora Rezidente ONU, Sra. Funmi Balogun, aprezenta proposta ida ho objetivu atu fornese esperiénsia servisu profesionál, formasaun kualidade, no oportunidade servisu komunitáriu ba foin-sa’e sira ne’ebé hela iha munisípiu. Inisiativa foun ne’e foka ba kapasitasaun juventude liuhusi atividade prátika ne’ebé bele prepara sira ba merkadu traballu.

Enkontru ne’e partisipa mós husi Xefe Gabinete MJDAK, Diretora-Jerál Servisu Koorporativu MJDAK, Asesor Relasaun Bilaterál, no Navchaa Suren, Reprezentante Fundu Populasaun Nasoens Unidas (UNFPA) iha Timor-Leste.

Diskusaun ne’e hatudu kompromisu hamutuk atu aborda dezafiu empregu juventude nian no esplora oportunidade foun hodi dezenvolve kapasidade juventude iha nasaun tomak.

#EmpreguJuventude #MJDAK #PBB #TimorLeste #Dezenvolvimentu #MídiaMJDAK