𝐃𝐢𝐥𝐢, 𝟏𝟗 𝐎𝐮𝐭𝐮𝐛𝐫𝐮 𝟐𝟎𝟐𝟔- Ministru Komérsiu no Indústria, Sr. Nino Pereira, akompaña husi Diretór-Jerál Komérsiu, Sr. Elias de Jesus, simu vizita kortezia husi delegasaun My Events International, liderada husi Diretora, Datin Wira Sabrina, hamutuk ho Diretór-Jerál, Sr. Dailan Muhammad Ravi, no Xefe Jerente Projetu, Sr. Mohamed Shariff, iha salaun Gabinete Ministru Komérsiu no Indústria, Bebora, Dili.

Enkontru ne’e My Events International aprezenta atu lori emprezariu internasionál prinsipál sira mai Timor-Leste no lansa Fórum Komérsiu ASEAN nian ba dahuluk iha fulan Novembru ne’ebé organiza ho Ministériu Komérsiu & Indústria.

Eventu ne’e sei sai oportunidade importante atu promove diálogu entre emprezáriu, investidór no reprezentante komérsiu husi Timor-Leste no nasaun sira iha rejiaun, hodi hametin kooperasaun ekonómika no haburas oportunidade negósiu.

Relasiona ho inisiativa ne’e, Ministru Komérsiu no Indústria, Sr. Nino Pereira, hatudu satisfasaun ba esforsu MY Events International. Kooperasaun ne’e konsidera importante atu loke oportunidade foun ba setór privadu, promove produtu lokál, atrai investimentu no hametin relasaun komérsiu ho merkadu rejionál no internasionál.

𝙈𝙚𝙙𝙞𝙖 𝙈𝘾𝙄

See less