Asuntu : 𝗠𝗙 𝗔𝗣𝗥𝗘𝗭𝗘𝗡𝗧𝗔 𝗣𝗥𝗢𝗝𝗘𝗧𝗨 𝗟𝗘𝗜 𝗘𝗡𝗞𝗨𝗔𝗗𝗥𝗔𝗠𝗘𝗡𝗧𝗨 𝗢𝗝𝗘-𝗝𝗙𝗣 𝗕𝗔 𝗞𝗠 Díli-kinta, 25/09/2025, S.E. Ministra Finansas, Sra. Santina José Rodrigues F. Viegas Cardoso, aprezenta ona projetu dekretu lei enkudramentu foun ba konsellu ministru (KM) hetan ona aprovasaun kona-ba regulamentu Lei n. 3/2025, loron 23 fulan-abril, kona-ba Enkuadramentu Orsamentu Jerál Estadu no Jestaun Finanseira Públika, sorumutu ne’e hala’o iha Palásiu Governu, Díli. Diploma ida-ne’e estabelese, ho forma detallada no operasionál, regra no prosedimentu sira ne’ebé garante implementasaun tomak ba Lei Enkuadramentu foun, hodi reforsa prinsípiu sira transparénsia, dixiplina orsamentál, responsabilizasaun no sustentabilidade fiskál nian. Sua exélensia dehan, Ida-ne’e hanesan pasu desizivu ida hodi asegura katak rekursus públikus jere ho efisiénsia boot-liu no ba benefísiu diretu populasaun nian. Dekretu-Lei ne’e introdús norma abranjente lubun ida ne’ebé organiza no estrutura siklu orsamentál hotu, hahú hosi planeamentu estratéjiku no partisipativu to’o ezekusaun, kontrolu no prestasaun kontas. Tanba ne’e Ministra esplika, entre inovasaun prinsipál sira maka regulamentasaun hosi Deklarasaun Estratéjia Orsamentál, definisaun ba tetu despeza nian, fortalesimentu ba papel konsultas públikas no Jornadas Orsamentais, no mós adosaun hosi sistema kontabilidade duplu – orsamentál no finanseiru - hodi promove rigór no konfiabilidade boot liu iha informasaun finanseira Estadu nian. Diploma ne’e regula mós autonomia finanseira hosi entidades Administrasaun Indireta Estadu nian, prosedimentu ba ezekusaun despeza no reseita, no mós estabelese regra sira ne'ebé klaru ba mudansa orsamentál no utilizasaun hosi rezerva kontinjénsia nian. Ho regulamentu ida-ne’e, Governu Konstitusionál IX reafirma ninia kompromisu ba governasaun ida ne’ebé responsável, orienta ba rezultadu no dezenvolvimentu sustentável. Kuadru legál foun ne’e hametin mekanizmu kontrolu no prestasaun kontas, promove partisipasaun sidadaun nian iha prosesu orsamentál no mós kria kondisaun institusionál no téknika sira ne’ebé nesesáriu ba jestaun públika ida ne’ebé moderna no efikás, tuir prátika internasionál sira ne’ebé di’ak-liu. Iha ambitu konsellu ministru ne’e, lidera husi sua exélensia Primeiru-Ministru Kay Rala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay no Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino inklui membru governu sira hotu. #Foto: #Ekipa #Media #Ofisiál #MinistériuFinansas, #AsesuHusi #Portál #Governu #Timor-Leste nian Link: https://www.facebook.com/share/p/19XoPDBnZr/
Data Publica : 26 Sep 2025
Descrisaun :
