Asuntu : Sekretariu Estadu sai Oradór ho Tema "Promove Foinsa'e iha setór Produtivu, Investe Agora" RAEOA, loron 24 fulan Setembru tinan 2025, Sekretariu Estadu ba Formasaun Profisionál no Empregu, sua Exelénsia Rogério Araújo Mendonça L.Ed, sai oradór ho tema "Promove Foinsa'e iha setór Produtivu, Investe Agora" ne'ebé organiza husi Parseira sira husi PROSIVO nian. Iha aprezentasaun materia, Sekretariu Estadu hatete, estudante finalista barak mak kada tinan remata sira-nia estudu, barak mak la kontinua, husi sentru formasaun sira bele deside sira-nia an, hodi hatan ba merkadu traballu. "Ita hare ita-nia alin estudante sira ne'ebé mak remata sekundaria jerál barak mak la kontinua estudu ba Universidade, tanba ne'e politika Governu nian liu husi SEFOPE kria formasaun atu aumenta joven sira-nia abilidade no koñesimentu hodi bele responde ba merkadu traballu rai liur no rai laran," dehan sekretariu Estadu. Sekretariu Estadu akresente, kada tinan SEFOPE sempre apoia Grupu auto empregu, hodi tulun joven sira ne'ebé mak hakarak kria grupu hodi emprega sira-nia an no ema seluk. "SEFOPE iha programa ida naran apoia grupu Auto Empregu, nia objetivu mak tulun ita-nia grupu ki'ik sira hodi kria empregu ba sira-nia an no kria empregu ba ema seluk, hodi hasa'e kresimentu ekonómia familia no komunidade," informa Sekretariu Estadu. Seminar ne'e organiza husi Mata Dalan Institute (MDI) no Alumni Parlamentu Foinsa'e Timor-Leste (APFTL).
Data Publica : 26 Sep 2025
Descrisaun :
