Asuntu : 𝐕𝐢𝐬𝐞-𝐏𝐌 𝐤𝐨𝐦𝐞𝐦𝐨𝐫𝐚 𝐭𝐢𝐧𝐚𝐧 𝐢𝐝𝐚 𝐓𝐋 𝐬𝐚𝐢 𝐦𝐞𝐦𝐛𝐫𝐮 𝐎𝐌𝐊 𝟐𝟔 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓 Pakote adezaun Timor-Leste ba OMK asina husi Vise-Primeiru Ministru no Ministru Koordenador ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay iha Konferénsia Ministerial OMK ba da-13 ne’ebé hala’o iha Abu Dhabi, Emiradus Árabes Unidus iha loron 26 Fevereiru 2024 ne’ebé marka pasu fundamentál ida ho objetivu atu liberaliza komérsiu, integrasaun iha ekonomia globál no fasilitasaun asesu ba merkadu internasionál sira. Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay hateten iha komemorasaun tinan ida Timor-Leste sai membru plenu OMK ne’e katak, susesu ne’e mai husi kontribuisaun ema barak nian. “𝐈𝐝𝐚 𝐧𝐞’𝐞 𝐢𝐭𝐚 𝐡𝐨𝐭𝐮 𝐧𝐢𝐚 𝐬𝐮𝐬𝐞𝐬𝐮 𝐧𝐨 𝐨𝐡𝐢𝐧 𝐢𝐭𝐚 𝐬𝐞𝐥𝐞𝐛𝐫𝐚 𝐭𝐢𝐧𝐚𝐧 𝐢𝐝𝐚 𝐢𝐭𝐚 𝐬𝐚𝐢 𝐦𝐞𝐦𝐛𝐫𝐮 𝐎𝐌𝐊,” Adezaun Timor-Leste ba OMK nu’udar konkista boot-tebes no istóriku ida, hodi afirma katak, ida-ne’e maka prosesu adezaun ne’ebé lais liu iha istória OMK nian. Iha de’it tinan hitu nia laran, bele kumpre rekizitus adezaun plena ba organizasaun ne’e. Maibé, país sira seluk presiza hein to’o tinan rua-nulu, no país seluk hein hela atu tama. Adezaun ba Organizasaun Mundiál Komérsiu, ne’ebé bele kompara ho integrasaun ba ASEAN, nu’udar marka istórika ida iha trajetória Timor-Leste nian, ne’ebé reflete kompromisu nasionál nian hodi integra iha komunidade internasionál, hodi dudu dezenvolvimentu ekonómiku ba oin ho forma inkluziva no sustentavel.
Data Publica : 29 Sep 2025
Descrisaun :
==============
Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay hamutuk ho parseiru dezenvolvimentu sira, IFC, setor privadu no Ministériu relevante sira komemora tinan ida Timor-Leste sai nu’udar membru plenu ba Organizasaun Mundial (OMK) ba Komersiu.
Vise-Primeiru-Ministru ne’e hateten iha CCD, Sesta kalan, 26 Setembru 2025.