Dili, 19 Outubru 2026 – Ministériu Juventude, Desportu, Arte no Kultura (MJDAK) no Sekretaria Estadu Arte no Kultura (SEAK) hala’o Reuniaun Konsellu Konsultivu iha Salaun Magna MJDAK, Lecidere, Dili, atu diskute asuntu estratéjiku kona-ba ezekusaun orsamentu, dezempeñu instituisionál no preparasaun ba períodu tuir mai.

Reuniaun ne’e lidera husi Ministru Nelyo Isaac Sarmento, akompaña husi Sekretáriu Estadu Arte no Kultura, Jorge Soares Cristovão, ho partisipasaun Diretór Jerál, Xefe Gabinete, Diretór Nasionál no Xefe Departamentu sira husi MJDAK no SEAK.

Pontu prinsipál:

Avaliasaun ezekusaun orsamentu no dezempeñu MJDAK to’o trimestre datoluk (Q3) tinan 2026, hodi prepara estratéjia ba Komisaun G-PN.

Diskusaun kona-ba relatóriu adiantamentu Q2–Q3 ne’ebé seidauk kompletu no liu ona prazu, atu buka solusaun apropriadu no asegura kumprimentu obrigasaun instituisionál.

Atualizasaun preparasaun Festivál Nasionál Desportu (FND) no rejistrasaun munisípiu sira. FND sei realiza iha 12 Novembru 2026.

#MediaMJDAK #MJDAK #SEAK #FND2026 #OrsamentuEstadu

Ver menos