Dili, 16 Outubru 2026 – Ministru Juventude, Desportu, Arte no Kultura (MJDAK), Sua Excelénsia Nelyo Isaac Sarmento, hala’o reuniaun ofisiál ho estrutura organizasaun arte marsiais no lideransa Federasaun Silat Timor-Leste (FESTIL) iha Salaun Uma Nahe Biti Boot MJDAK, Lecidere, Dili.

Ministru akompaña husi Prezidente Komisaun Reguladora das Artes Marciais (CRAM), Octávio da Conceição, komisáriu/a sira no Sekretáriu Ezekutivu CRAM. Prezidente FESTIL, Hermenegildo Custódio da Silva, no reprezentante organizasaun arte marsiais husi munisípiu sira mós partisipa.

Pontu prinsipál:

Fahe vizaun polítika Governu Konstitusionál IX kona-ba oinsá dignifika organizasaun desportiva arte marsiais.

Lei Nú. 9/2026 fahe knaar ba órgaun rua: ida tau matan ba prestasaun no kompetisaun, ida seluk halo fiskalizasaun ba organizasaun nia lala’ok no doutrina.

Rona perspetiva husi lider no estrutura sira kona-ba modelu dezenvolvimentu arte marsiais iha futuru.

Ministru Nelyo husu organizasaun sira atu uza regra no tradisaun tuir kultura Timor nian, hodi kesi unidade no fraternidade entre ema Timor.

Organizasaun ne’ebé partisipa: PSHT, IKS-PTL, PD, KORK, PJR, Padjadjaran no Seruling Dewata.

#MediaMJDAK #ArteMarsiais #FESTIL #CRAM #Lei9_2026

Ver menos