Baucau, 15 Outubru 2026 – Ministru Juventude, Desportu, Arte no Kultura (MJDAK), Sua Excelénsia Nelyo Isaac Sarmento, hatete katak desportu ajuda ita atu muda karakter no mental, hodi hatene simu lakon no respeita ema seluk.

Ministru hatete ida ne’e bainhira hala’o abertura Kopa Prezidente Autoridade Munisipiu (PAM) iha Estádiu Tadeo Laicana, Munisípiu Baucau, ho prezensa Prezidente Autoridade Munisipiu (PAM) Baucau, Dra. Veneranda E. M. Lemos Martins, Xefe Gabinete MJDAK, Egas Barros Guterres Godinho, Komandante Polísia no F-FDTL Munisipiu Baucau, no entidade sira seluk.

Pontu prinsipál:

Joven barak iha Baucau, maibé ladún iha espasu atu pratika desportu.

Kopa PAM sei hala’o regulár kada tinan, hahú ho futebol no bele hasa’e ba voleibol no basketbol.

Atleta nasionál hahú husi baze: jogu desportu komunitáriu iha postu, Festivál Desportu Munisipál (FDM), tuir mai Kopa PAM, ho apoiu Governu Sentrál liu husi MJDAK.

Ministru apela ba joven sira atu uza espasu ne’e hodi hatudu sira-nia talentu ho espíritu sportivu.

#MediaMJDAK #KopaPAM #Baucau #DesportuTimorLeste #Joven

Ver menos