Dili, 14 Outubru 2026 – Ministru Juventude, Desportu, Arte no Kultura (MJDAK), Sua Excelénsia Nelyo Isaac Sarmento, partisipa iha Semináriu Nasionál Panorama Orsamentál 2027 iha salaun Ministériu Finansas (MF), Aitarak Laran, Dili, kuarta (14/10).

Iha semináriu ne’e, Primeiru-Ministru Kay Rala Xanana Gusmão hateten katak Governu sei kontinua fó prioridade ba dezenvolvimentu infraestrutura báziku iha área rurál, liuliu eskola, klínika saúde no alojamentu ba profesór no profisionál saúde sira, liu husi Orsamentu Jerál Estadu (OJE) 2027.

Pontu prinsipál:

Estrada rurál, eskola no klínika lokál atu fasilita asesu komunidade ba edukasaun no servisu saúde.

Alojamentu ba profesór no profisionál saúde iha área remota atu garante kontinuidade servisu.

OJE 2027 mós inklui rekursu ba preparasaun eleisaun no kompromisu rejionál, inklui ASEAN.

Vise-Ministra Finansas, Regina de Jesus, subliña katak OJE 2027 la’ós de’it hatudu osan ne’ebé Governu atu gasta, maibé mós oinsá Governu define prioridade, hadi’a kualidade despeza públika no prepara ekonomia ne’ebé produtivu, diversifikadu no menus dependente ba Fundu Petrolíferu.

Semináriu ne’e halibur membru Governu, deputadu Parlamentu Nasionál, reprezentante instituisaun Estadu, sosiedade sivíl no seitór privadu, ho tema “Hametin Rezilliénsia liu husi Transformasaun, Diversifikasaun Ekonomia no Futuru Sustentável”.

#MediaMJDAK #OJE2027 #PanoramaOrsamental2027 #TimorLeste #Infraestrutura

Ver menos