Asuntu : 𝗦𝗘𝗞𝗼𝗼𝗽 𝗻𝗼 𝗥𝗔𝗘𝗢𝗔 𝗔𝘀𝗶𝗻𝗮 𝗡𝗼𝘁𝗮 𝗘𝗻𝘁𝗲𝗻𝗱𝗶𝗺𝗲𝗻𝘁𝘂 𝗔𝘁𝘂 𝗛𝗮𝗺𝗲𝘁𝗶𝗻 𝗗𝗲𝘇𝗲𝗻𝘃𝗼𝗹𝘃𝗶𝗺𝗲𝗻𝘁𝘂 𝗞𝗼𝗼𝗽𝗲𝗿𝗮𝘁𝗶𝘃𝗮𝘀 𝗶𝗵𝗮 𝗢𝗲𝗸𝘂𝘀𝗶. Oekusi, 25 Setembru 2025 – Sekretáriu Estadu Kooperativas (SEKoop) no Autoridade Rejiaun Administrativa Espesiál Oekusi-Ambeno (RAEOA) asina Nota Entendimentu (MoU) iha salaun IADE, Oekusi, iha loron Segunda-feira. Akordu ne’e nudar esforsu komun atu fortalece koordenasaun no kolaborasaun entre estruktura governativa sira, liu-liu iha área dezenvolvimentu kooperativas. Iha diskursu inaugurál, Sekretáriu Estadu Kooperativas, Arsénio Pereira, deklara katak MoU ne’e nia intentu prinsipál mak atu fó klaridade ba koordenasaun no responsabilidade ida-idak, iha implementasaun programa SEKoop sira iha Rejiaun Espesiál. “Nota Entendimentu ne’e, maski iha governu ida deit, sei ajuda atu halo koordinasaun no implementasaun programa sira ho vizuan klaru, hodi fó benefísiu direto ba komunidade,” nia hateten. Arsénio mós espresa katak kolaborasaun ho RAEOA sei fó baze fóun ba SEKoop atu implementa programa sira hanesan kapasita kooperativas, fó ekipamentu materiál, no hadia kondisaun moris komunidade. Nia hatudu hanesan ezemplu programa habokur karau iha Sub-Rejiaun Oesilo, ne’ebé la’ós deit projetu agrikultura, maibé mós parte husi estratégia sustenta ekonómiku lokal. Prezidente Autoridade RAEOA, Régio da Cruz Salu, konsidera Nota Entendimentu ne’e hanesan pasu importante iha prosesu dezentralizasaun no fortalecimento poder lokál. Nia hateten katak investimentu iha fasilidade kooperativa, sentru prosesamentu, no rekurso sira seluk, sei konsidera hanesan aset ekonomia ba RAEOA. “Lei n.º 3/2014 fó kompeténsia patrimoniál ba RAEOA, tanba ne’e aset sira investe ho SEKoop iha rejiaun sei konsidera hanesan parte patrimóniu ekonomiku lokal,” nia deklara. MoU ne’e mós fó espasu ba RAEOA atu operasionaliza politika nasional iha konteksu lokal Oekusi nian, ho kualidade, inovasaun no oriyentasaun ba rezultadu. Akordu ida ne’e espresa engajamentu parte rua atu promové modelu dezenvolvimentu ekonomia base, hanesan konsagra iha Konstituisaun Repúblika no estratéjia nasional setor kooperativas. Kolaborasaun ida ne’e espéra atu bele kontribui atu:
Data Publica : 29 Sep 2025
Descrisaun :
Fortalece kooperativas lokal, Aumenta participasaun komunidade iha atividade ekonómiku, Promove sustentabilidade ba rejiaun Oekusi, no Hadia moris povu liu-liu iha área rural.
MoU ne’e sei serbe hanesan referénsia ba futuru kooperasaun entre SEKoop no RAEOA, hodi halo dezenvolvimentu rejiaun Oekusi maka’as, inkluzivu no sustentável.
#Média SEKoop#