Dili, 30 Outubru 2026

Ministru Transportes no Komunikasaun, Eng.Miguel Marques Gonçalves Manetelu akompaña Prezidente Repúblika, José Ramos-Horta hamutuk ho diplomata no ofisiál sira husi Embaixada Indonézia iha Dili, marka prezensa iha resepsaun diplomatiku iha ambitu hodi selebra Aniversáriu Independénsia Repúblika Indonézia nian bá dala-81 iha Faról Dili.

Iha resepsaun ne’e marka mós prezensa husi Ministru Interior, Francisco Guterres, Vise-Minsitru Asuntu ASEAN, Milena Rangel no Prokurador Jerál Repúblika (PJR), Nelson de Carvalho.

Iha selebrasaun ne'e, Xefe Estadu akompaña husi Enkaregadu Negosiu (Chargé d'Affaires) Embaixada Indonézia nian, Raden Sakunto Paksi, hamutuk ho korpu diplomátiku no komunidade indonézia ne'ebé hela iha Timor-Leste.

Prezensa Xefe Estadu Timor-Leste nian iha selebrasaun ne'e sai hanesan jestu diplomátiku ne'ebé hodi hametin liu tan relasaun ne’ebé metin, respeitu mútua no amizade bilaterál ne'ebé forte entre Timor-Leste nomos Indonézia hanesan nasaun viziñu.

Prezidente Ramos-Horta destaka transformasaun estraordinária ne'ebé akontese iha relasaun bilaterál entre Timor-Leste no Indonézia. Husi pasadu ida ne'ebé difísil ho desafiu bo'ot, nasaun viziñu rua ne'e susesu hodi dezenvolve relasaun ne'e sai modelu globál bá parseria, respeitu mutual nomos kooperasaun regionál ne'ebé metin.

https://sdi.gov.tl/ministerio/presrealease/create

Média MTK