𝗔𝘁𝘀𝗮𝗯𝗲, 𝟯𝟬 𝗢𝘂𝘁𝘂𝗯𝗿𝘂 𝟮𝟬𝟮𝟲

Primeiru-Ministru, Kay Rala Xanana Gusmão hamutuk ho Ministru Obras Públikas, Samuel Marçal, ofisialmente lansa Fatuk Dahuluk bá konstrusaun Estrada Letefoho - Atsabe - Lourba, iha Postu Administrativu Atsabe, Munisípiu Ermera.

Serimónia lansamentu ne'e realiza iha Merkadu Atsabe Vila, sesta-feira ne'e.

Lansamentu ne'e marka inísiu bá implementasaun projetu infraestrutura importante ida ne'ebé sei liga komunidade sira iha Letefoho, Atsabe no Lourba, hodi fasilita movimentu populasaun, transporte produtu lokál no asesu bá servisu báziku sira.

Projetu ne'e parte husi kompromisu Governu nian, liuhusi Ministériu Obras Públikas (MOP), atu hadi'a rede estrada nasionál, liu-liu iha área rurál, hodi dudu dezenvolvimentu ekonómiku no hasa'e bem-estar populasaun nian.

Partisipa iha serimónia ne'e Vise-Ministru Obras Públikas, Júlio do Carmo da Silva, Vise-Ministru Administrasaun Estatál, Jacinto Rigoberto G. de Deus, Vise-Ministra Negósius Estranjeirus no Kooperasaun, Jesuína Maria Ferreira Gomes, Sekretáriu Estadu Ensinu Sekundáriu Jerál no Ensinu Sekundáriu Tékniku-Vokasionál, Domingos Lopes Lemos, Sekretáriu Estadu Eletrisidade, Bee no Saneamentu, Santos Noronha, Sekretáriu Estadu Protesaun Sivíl, Domingos Mariano Reis, Prezidenti Komisaun E Parlamentu Nasionál.

Deputadu Marcos Xavier, Prezidenti Komisaun B Parlamentu Nasionál, Domingos Augusto "DEKER", Prezidenti Komisaun C Parlamentu Nasionãl, Cedelizia Faria dos Santos, Deputada, Maria Gorumali Barreto, Komandante Polísia Nasionál Timor-Leste (PNTL) Munisípiu Ermera, Superintendente Polísia, Ludgerio Picancio Madeira Lay, Prezidente IGE-ADI, Ana Paula da Cruz, Prezidente BTL, E.P, Gustavo da Cruz, Diretór Jerál Administrasaun no Finansas, João Amaral, Xefe Gabineti MOP, Cristovão Fausto Guterres, Diretór Ezekutivu ADN,I.P, Januario M. Guterresekipa Tékniku MOP, PAM Ermera, PAM Bobonaro, APA Letefoho, APA Atsabe, CCI-TL Ermera, autoridade lokál, reprezentante Igreja nian Amo Pároku Letefoho, veteranu sira Munisípiu Ermera, lia-na'in husi Postu Letefoho no Postu Atsabe, komunidade no estudante sira.

https://sdi.gov.tl/ministerio/presrealease/create

*𝗠𝗶́𝗱𝗶𝗮 𝗠𝗢𝗣*