Portugal Loron 27 Fullan Outobru Tinan 2026.

Coimbra, Portugal Faculdade de Direito da Universidade de Coimbra simu ohin Comitiva husi Ministru Planeamentu no Investimentu Estratéjiku Timor-Leste, Eng. Gastão Francisco de Sousa.

Vizita ne'e akompaña mós husi Dra. Lúcia Lobato, Coordenadora Grupo Trabalho ba Reforma da Justiça Timor-Leste.

Comitiva ne'e simu iha Sala do Conselho Científico husi Doutora Margarida Costa Andrade no Doutor João Pedro Rodrigues. Enkontru ho objetivu atu hametin lasu no esplora forma kooperasaun foun entre instituisaun rua.

La'ós de'it reuniaun servisu ida, maibé reenkontru ida. Entre Faculdade ida ne'ebé, kuaze sékulu rua, forma jurista sira atu serve bem comum, no nasaun ida ne'ebé halo lian portugés no Direitu nu'udar parte ida husi ninia identidade," haktuir komunikadu husi Faculdade.

Relasaun La'ós Ohin Nian

Relasaun entre Faculdade Direito Coimbra no Timor-Leste la'ós foin ohin. Durante décadas, Coimbra simu estudante timoroan ne'ebé forma-an iha ne'e no fila fali atu ajuda harii instituisaun sira nasaun foun nian. Barak husi sira ne'ebé ohin loron serve justisa timoroan nian liu husi sala sira Faculdade ne'e.

Tanba ne'e, vizita ne'e sente hanesan fila fali ba uma husi família ida ne'ebé tempu no distánsia la'ós fahe malu.

Hafoin reuniaun, Comitiva halo vizita badak ba Faculdade, iha espasu sira ne'ebé rai memória jerasaun estudante no mestre sira. Vizita remata iha Sala da Direção, iha ne'ebé parte rua renova vontade komun atu enkontru ne'e sai hanesan pasu dahuluk ba dalan hamutuk, hodi serve reforma justisa no futuru Timor-Leste.

Faculdade Direito agradese vizita no reafirma ninia disponibilidade atu kontinua kolabora, hanesan sempre halo, iha buat hotu ne'ebé koñesimentu jurídiku bele kontribui ba nasaun ida ne'ebé justu liu.

https://sdi.gov.tl/ministerio/presrealease/create

Média MPIE