Asuntu : 𝗦𝗘𝗞𝗼𝗼𝗽 𝗛𝗮𝗹𝗼 𝗢𝗯𝘀𝗲𝗿𝘃𝗮𝘀𝗮𝘂𝗻 𝗯𝗮 𝗣𝗿𝗼𝗴𝗿𝗲𝘀𝘂 𝗞𝗼𝗻𝘀𝘁𝗿𝘂𝘀𝗮𝘂𝗻 𝗘𝗱𝗶𝗳í𝘀𝗶𝘂 𝗞𝗼𝗼𝗽𝗲𝗿𝗮𝘁𝗶𝘃𝗮 𝗟𝗼𝗿𝗶𝗸𝘂 𝗘𝘀𝘁𝗮𝗿 𝗶𝗵𝗮 𝗕𝗮𝗾𝘂𝗶, 𝗥𝗔𝗘𝗢𝗔. Oecusse, 24 Setembru 2025 – Sekretáriu Estadu Kooperativas (SEKoop), Eng. Arsénio Pereira da Silva, M.Agr., hamutuk ho Prezidente Autoridade Rejiaun Administrativu Espesiál Oecusse-Ambeno (RAEOA), Régio da Cruz, halo vizita ba edifísiu iha prosesu konstrusaun ida ne’ebé sei sai sede ofisiál Crédito União Kooperativa Loriku Estar (CU CLS) iha suku Baqui, Sub-Rejiaun Oesilo. Vizita ne’e nudar parte husi monitorizasaun no observasaun direta kona-ba progresu konstrusaun edifísiu CU CLS nian, ne’ebé hetan apozu orsamentu públiku husi SEKoop totaliza USD 12.000. Husi montante ida ne’e, SEKoop ona fó transferénsia iha fase primeiru ho valor USD 6.000, no sei kontinua ba fase seguinte depois kooperativa submeti relatóriu implementasaun. Iha enkontru ho lideransa kooperativa Loriku Estar, Sekretáriu Estadu Kooperativas no Prezidente RAEOA mós partilha planu programa dezenvolvimentu kooperativa nian, inklui kapasita membru sira, apoio tekniku no orientasaun ba jestaun sustenta. Kooperativa Loriku Estar foi harii iha loron 1 Setembru 2014, no to'o agora akumula membru nain 65, ho kapitál totalidade atingiu ona USD 51.471. Sekretáriu Estadu Kooperativas mak hanesan ida iha membru aktivu iha kooperativa ne'e. Vizita ne’e mós marka presensa husi Diretor Jeral RAEOA, representante husi Komandu PNTL, no líder komunidade sira iha área ne’ebé hakerek apoiu forte ba inisiativa ne’e. Apoiu SEKoop ba CU Loriku Estar forma parte husi ezforsu Governu atu promove desenvolvimentu ekonomi lokal liu husi fortalecimento kooperativa sira iha Rejiaun Oecusse, no atu hatudu kooperativa hanesan mekanismu inkluzivu ba empoderamentu komunidade. #Média SEKoop#
Data Publica : 29 Sep 2025
Descrisaun :