Asuntu : 𝐒𝐄𝐏 𝐇𝐀𝐒𝐎𝐑𝐔 𝐌𝐀𝐋𝐔 𝐇𝐎 𝐄𝐌𝐁𝐀𝐈𝐗𝐀𝐃Ó𝐑 𝐓𝐈𝐌𝐎𝐑-𝐋𝐄𝐒𝐓𝐄 𝐁𝐀 𝐈𝐍𝐃𝐎𝐍𝐄𝐒𝐈𝐀 𝐉𝐀𝐊𝐀𝐑𝐓𝐀, 𝟐𝟐 𝐒𝐄𝐓𝐄𝐌𝐁𝐑𝐔 𝟐𝟎𝟐𝟓 – Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, domingu liubá ho ekipa delegasaun vizita ofisiál ba Jakarta, indonesia. Objetivu vizita ne’e , tuir sekuénsia atu hasoru malu ho Kemeterian Kelautan dan Perikanan (KKP) Indonesia nian. Tanba ne’e, antes hasoru malu ho KKP, iha loron segunda (22/09), Membru Governu ne’e, hato’o hela koñesimentu ba Embaixadór Extraordináriu Timor-Leste ba Indonesia, 𝐒𝐫. 𝐑𝐨𝐛𝐞𝐫𝐭𝐨 𝐒𝐚𝐫𝐦𝐞𝐧𝐭𝐨 𝐝𝐞 𝐎𝐥𝐢𝐯𝐞𝐢𝐫𝐚 𝐒𝐨𝐚𝐫𝐞𝐬, iha nia servisu fatin Jakarta. Iha soru-mutuk ne’e sira troka hanoin ba malu, au-mezmu tempu halo preparasaun oinsá kontinua hametin kooperasaun ho KKP iha área Peskas no Akikultura. Portantu vizita ne’e, Sekretáriu Estadu Peskas hetan akompaña hosi Diretór Jerál Peskas, Sr. Acácio Guterres, Diretór Nasionál Peskas, Sr. Akacio dos Santos no Assesór Principal Gabinete Secretario de Estado das Pescas, Sr. Rafael Pereira Gonçalves.
Data Publica : 29 Sep 2025
Descrisaun :
