Asuntu : 𝐒𝐄𝐊𝐑𝐄𝐓Á𝐑𝐈𝐔 𝐄𝐒𝐓𝐀𝐃𝐔 𝐏𝐄𝐒𝐊𝐀𝐒 𝐇𝐀𝐒𝐎𝐑𝐔 𝐌𝐀𝐋𝐔 𝐇𝐎 𝐌𝐄𝐍𝐓𝐑𝐈 𝐊𝐄𝐋𝐀𝐔𝐓𝐀𝐍 𝐃𝐀𝐍 𝐏𝐄𝐑𝐈𝐊𝐀𝐍𝐀𝐍 𝐈𝐍𝐃𝐎𝐍𝐄𝐒𝐈𝐀 𝐉𝐀𝐊𝐀𝐑𝐓𝐀, 𝟐𝟒 𝐒𝐄𝐓𝐄𝐌𝐁𝐑𝐔 𝟐𝟎𝟐𝟓 – Atu kontinua hametin kooperasaun servisu iha área Peskas no Agikultura, Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, kuarta liubá akompaña hosi Embaixadór Extraordináriu Timor-Leste ba Jakarta, Indonesia, 𝐒𝐫. 𝐑𝐨𝐛𝐞𝐫𝐭𝐨 𝐒𝐚𝐫𝐦𝐞𝐧𝐭𝐨 𝐝𝐞 𝐎𝐥𝐢𝐯𝐞𝐢𝐫𝐚 𝐒𝐨𝐚𝐫𝐞𝐬, hodi hasoru malu ho Mentri Kelautan dan Perikanan Republik Indonesia, 𝐁𝐚𝐩𝐚𝐤 𝐒𝐚𝐤𝐭𝐢 𝐖𝐚𝐡𝐲𝐮 𝐓𝐫𝐞𝐧𝐠𝐠𝐨𝐧𝐨, iha nia servisu fatin Jakarta. Iha soru-mutuk besik oras ida, Sekretáriu Estadu Peskas, aprezenta polítika Governu Timor-Leste nian, oinsá atu kontinua hametin kooperasaun servisu iha Área Peskas no Akikultura. Polítika kooperasaun ne’e, espesifiku iha haforsa formasaun ba rekursu umanu, iha área Peskas no Akikultura hanesan ; • Bolsa Estudu ba Funsionáriu Akikultura Timor-Leste hodi kontinua estudu D4, iha eskola Politeknik Ahli Usaha Perikanan Jakarta. • Formasaun no estudu iha ãrea kontrola produtu akikultura. • Haforsa baze de dadus akikultura nian. • Sharing technology no informasaun iha área Peskas no Akikultura. • Formasaun no sertifika peskadór sira. • Dezenvolve silábus akikultura ba peskadór Ikan. Alende ne’e, Membru Governu ne’e mós aproveita oportunidades hodi hato’o apresiasaun no agradesimentu ba Governu Republik Indonesia liuliu ba KKP ne’ebé durante ne’e simu ona estudante bolseiru Timoroan ba halo estudu iha Eskola Politeknik Ahli Usaha Perikanan no Eskola politeknik sira seluk ne’ebé tutela ba KKP. Ikus Lideransa Peskas ne’e mós konvida Mentri Kelautan dan Perikanan atu mai Timor-Leste hodi bele estabelese kuarentena ikan iha fronteira sira liuliu hanesan fatin ba tranzaksaun ikan iha Liran ho Atauro, Alor ho Liquiça no fatin sira seluk. Portantu vizita ne’e, Sekretáriu Estadu Peskas hetan akompaña mós hosi Diretór Jerál Peskas, Sr. Acácio Guterres, Diretór Nasionál Peskas, Sr. Akacio dos Santos ho Assesór Principal Gabinete Secretario de Estado das Pescas, Sr. Rafael Pereira Gonçalves. Hafoin soru-mutuk, parte rua troka mós prenda hanesan símbolu identidade hosi rai rua ne’e nian.
Data Publica : 29 Sep 2025
Descrisaun :
