Dili, 10 Novembru 2026

Ministru Transportes no Komunikasaun, Eng.Miguel Marques Gonçalves Manetelu, hamutuk ho membru governu kontinua akompaña Primeiru-Ministru, Kay Rala Xanana Gusmão, iha diskusaun Projetu Proposta Lei (PPL) Númeru 33/VI (4.ª), OJE 2027 bá loron da-ruak nia iha Parlamentu Nasionál.

Iha diskusaun OJE 2027 bá loron da-ruak, Primeiru-Ministru, Kay Rala Xanana Gusmão, responde bá relatóriu no pareser husi Komisaun Finansas Públikas Parlamentu Nasionál, hamutuk ho intervensaun no pergunta sira husi deputadu sira, iha sesaun diskusaun parte dader nian.

Diskusaun ne'e foka liu bá asuntu estratéjiku tolu :

• Dependénsia bá Fundu Petróleu : Análiza bá sustentabilidade ekonómika no kestaun finansiamentu nasaun nian.

• Projetu Greater Sunrise : Dezenvolvimentu no dezafiu sira ne'ebé hakarak jere iha produsaun no eksplorasaun rekursu naturál.

• Seitór Justisa: Haforsa no hamutuk hadi'a dezenvolvimentu sistema justisa nian iha Timor-Leste.

Iha okaziaun ne'e, Primeiru-Ministru hato'o agradesimentu bá krítika no komentáriu konstrutivu husi deputadu sira ho afirmasaun katak observasaun sira ne'e importánte atu hadi'a polítika no haforsa servisu governasaun nian.

Pontu-xave husi diskusaun ne'e mak :

• Tema Prinsipál: Fokus bá dependénsia Timor-Leste bá Fundu Petróleu, dezenvolvimentu Projetu Greater Sunrise no fortalesimentu seitór justisa.

• Proposta OJE 2027: Montante globál hamutuk $2,568 biliaun ho fahe alokasaun

o Administrasaun Sentrál biliaun $2,487

o RAEOA (Oecusse-Ambeno) millaun $56,1

o Seguransa Sosiál millaun $186,55

https://sdi.gov.tl/ministerio/presrealease/create

Média MTK