MINISTRU MPIE GASTÃO SOUSA KOALIA IHA MEET THE PRESS IHA MALIANA: FUNDU INFRAESTRUTURA EZEKUTA ONA 72,7% NO ICC HEIN OJE 2027.
Asuntu
MINISTRU MPIE GASTÃO SOUSA KOALIA IHA MEET THE PRESS IHA MALIANA: FUNDU INFRAESTRUTURA EZEKUTA ONA 72,7% NO ICC HEIN OJE 2027.
Data Publica
16 Nov 2026
Descrisaun
MALIANA, 13 Novembru 2026
Ministru Planeamentu no Investimentu Estratéjiku (MPIE), S.E.Eng.Gastão Francisco de Sousa, ohin koalia iha programa Meet The Press ne'ebé organiza husi Sekretaria Estadu Komunikasaun Sosiál (SEKOMS), iha Salaun Maria Tapo, Maliana Vila, Postu Administrativu Maliana, Munisípiu Bobonaro.
Programa ne'e sai espasu bá Ministru atu esplika diretamente bá jornalista sira no komunidade kona-bá progresu investimentu infraestrutura nasionál no responde pergunta sira kona-bá projetu estratéjiku Governu nian.
1. Ezekusaun Fundu Infraestrutura Atinje 72,7%
Iha ninia intervensaun, Ministru Gastão relata katak ezekusaun Fundu Infraestrutura iha tinan 2023-2026 to'o fulan-Novembru atinje ona 72,7%,ho montante besik tokon US$750 husi orsamentu totál tokon US$1.031.
Nia subliña katak investimentu infraestrutura la'os de'it foka bá kapitál nasionál maibé mós bá dezenvolvimentu rejionál, liuliu konstrusaun no rehabilitasaun estrada, ponte, sistema saneamentu no eletrisidade iha munisípiu sira.
Investimentu infraestrutura importante atu lori dezenvolvimentu bá munisípiu sira no kria oportunidade ekonómika bá komunidade," dehan Ministru Gastão iha Salaun Maria Tapo Maliana Vila.
2. Estrada Maliana - Batugade Sai Prioridade bá Bobonaro.
Iha Munisípiu Bobonaro, ida husi projetu ne'ebé hetan atensaun mak estrada ligasaun Maliana-Batugade, ne'ebé espera bele fasilita konektividade, movimentu ema no mercadoria nomos hametin atividade ekonómika komunidade lokál.
Ministru hateten estrada ne'e importante tebes tanba liga Bobonaro bá fronteira no bá korredor ekonómiku norte, ne'ebé sei loke oportunidade negósiu bá agrikultór nomos emprezáriu lokál sira.
3. Konstrusaun ICC Hein Aprovasaun OJE 2027
Projetu boot seluk, Ministru Gastão informa katak konstrusaun Sentru Konvensaun Internasionál (ICC) Dili hein aprovasaun Orsamentu Jerál Estadu (OJE) 2027. Governu destina orsamentu ho montante millaun US$291 bá konstrusaun infraestrutura ne'e.
Nia esplika katak responsavel másima bá implementasaun ne'e husi Ministériu Koordenadór Asuntu Ekonómiku (MKAE), maibé kontratu kona-bá ninia fiskalizasaun sei mai iha Ajénsia Dezenvolvimentu Nasionál (ADN) no Komisaun Nasionál Aprovizionamentu (CNA).
MPIE sempre iha koordenasaun ho MKAE. Projetu ne'e osan iha Fundu Infraestrutura ho valór millaun $291-resin, maibé kontratu depoizde orsamentu 2027 aprova mak foin hala'o. Montante loloos bá orsamentu ne'e bainhira kontratu asina mak foin deside. Konstrusaun fízika tenke aprova OJE 2027," Gastão de Sousa hatete liuhusi Meet the Press ne'ebé hala'o iha Maliana.
Ministru haktuir katak ICC sai rekizitu ida bá Timor-Leste hodi asume Prezidénsia ASEAN iha 2029, tuir Primeiru-Ministru Xanana Gusmão esplika iha debate jeneralidade OJE 2027 iha 10 Novembru 2026.
https://sdi.gov.tl/ministerio/presrealease/create
Média MPIE
Galeria
Video
Laiha Video
Dokumentus
Laiha Dokumentus