𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐑𝐄𝐋𝐀𝐓Ó𝐑𝐈𝐔 𝐅𝐈𝐍Á𝐋 𝐊𝐎𝐍𝐀-𝐁𝐀 𝐃𝐄𝐙𝐄Ñ𝐔 𝐏𝐎𝐑𝐓𝐔 𝐏𝐄𝐒𝐊𝐀𝐒
Asuntu
𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐑𝐄𝐋𝐀𝐓Ó𝐑𝐈𝐔 𝐅𝐈𝐍Á𝐋 𝐊𝐎𝐍𝐀-𝐁𝐀 𝐃𝐄𝐙𝐄Ñ𝐔 𝐏𝐎𝐑𝐓𝐔 𝐏𝐄𝐒𝐊𝐀𝐒
Data Publica
17 Nov 2026
Descrisaun
𝐃Í𝐋𝐈, 𝟏𝟑 𝐍𝐎𝐕𝐄𝐌𝐁𝐑𝐔 𝟐𝟎𝟐𝟔 – Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, iha Sesta ne’e loke ofisialmente enkontru kona-ba aprezentasaun Relatóriu Finál Revizaun no Finalizasaun Projetu 𝘋𝘦𝘵𝘢𝘪𝘭𝘦𝘥 𝘌𝘯𝘨𝘪𝘯𝘦𝘦𝘳𝘪𝘯𝘨 𝘋𝘦𝘴𝘪𝘨𝘯 (DED) ba konstrusaun Portu Peskas Foun iha Suku Wenunuk, Postu Administrativu Metinaru, Munisípiu Díli.
Enkontru ne'e iha objetivu atu aprezenta rezultadu revizaun no finalizasaun ba projetu tékniku enjenharia detalhadu, ne'ebé sei sai hanesan dokumentu referénsia importante ba prosesu konstrusaun portu peskas foun iha Suku Wenunuk.
Iha enkontru ne'e, aprezentasaun relatóriu finál hala'o husi Salu Corporation Unipessoal, Lda., nu'udar entidade ne'ebé responsabiliza ba preparasaun no dezenvolvimentu projetu tékniku enjenharia detalhadu.
Konstrusaun portu peskas foun iha Suku Wenunuk espera bele kontribui ba hadi'a infraestrutura peskas, fasilita atividade pescadór sira no hametin dezenvolvimentu setór peskas iha Timor-Leste.
Governu, liuhusi Ministériu Agrikultura, Pekuária, Peskas no Floresta, kontinua fó atensaun ba dezenvolvimentu infraestrutura peskas nu'udar parte ida husi esforsu atu hasa'e produsaun peskas no hadi'a kondisaun servisu no moris komunidade pescadór sira.
Soru-mutuk ne'e, hetan partisipasaun másimu hosi Dirijente sira hosi Diresaun Jerál Peskas, Konsultan Salu Corporation no konvidadu sira..
Galeria
Video
Laiha Video
Dokumentus
Laiha Dokumentus