MAPPF-CCECC realiza enkontru hodi hare atinjimentu Skema Irrigasaun Sahen
Asuntu
MAPPF-CCECC realiza enkontru hodi hare atinjimentu Skema Irrigasaun Sahen
Data Publica
17 Nov 2026
Descrisaun
Dili 6/11/2026 Ministériu Agrikultura, Pekuária, Peskas no Floresta (MAPPF), kontinua hametin esforsu atu dezenvolve setór agrikultura liu husi konstrusaun skema irrigasaun Sahen, ne'ebé sei kobre totàl àrea 718.93 ektare iha Munisípiu Manatuto no Manufahi, ne'ebe atinje ona 70%
Ministru Agrikultura Pekuaria Peska no Floresta Marcos ''MAMETA'' da Cruz hatete, Projetu konstrusaun Skema Irrigasaun Sahen ne'e sai hanesan investimentu importante ida atu hadi'a asesu ba bee ba to'os-na'in sira, nune'e bele aumenta produsaun agríkola, liuliu produsaun hare, no hadi'a kondisaun moris agrikultór sira iha area rurál.
Implementasaun projetu ne'e iha objetivu atu garante distribuisaun bee ba área agríkola ho sistema ne'ebé di'ak no sustentável, hodi permite agrikultór sira bele utiliza rai agríkola durante tempu udan no tempu bailoro.
Aleinde ne'e, sistema irrigasaun ne'e sei kontribui diretamente ba esforsu Governu nian atu hasa'e produsaun ai-han lokál, hamenus dependénsia ba produtu importadu no hametin seguransa ai-han iha nasaun.
Konstrusaun Sistema Irrigasaun Sahen ho área 718.93 hektare ne'e reprezenta pasu importante ida ba dezenvolvimentu agrikultura iha Munisípiu Manatuto no Manufahi, liu husi kolaborasaun entre Governu, parseiru dezenvolvimentu no komunidade agrikultór sira.
Eskema irrigasaun SAHEN ne’ebé konstroi husi konpañia China Civil Enginering Constrution Corporation (CCECC) ho durasaun tempu fulan 18 no agora atinje ona 70%. Ekipa DMEA MAPPF
Galeria
Video
Laiha Video
Dokumentus
Laiha Dokumentus