𝐌𝐈𝐍𝐈𝐒𝐓𝐑𝐔 𝐌𝐀𝐏𝐏𝐅 𝐈𝐍𝐒𝐏𝐄𝐂𝐈𝐎𝐍𝐀 Á𝐑𝐄𝐀 𝟏𝟓𝟎 𝐇𝐄𝐊𝐓Á𝐑 𝐁𝐀 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐏𝐀𝐃𝐃𝐎𝐂𝐊 𝐍𝐎 𝐏𝐀𝐒𝐓𝐀𝐉𝐄𝐍 𝐈𝐇𝐀 𝐋𝐀𝐔𝐓É𝐌.

17 Nov 2026
Press Release Image
Asuntu

𝐌𝐈𝐍𝐈𝐒𝐓𝐑𝐔 𝐌𝐀𝐏𝐏𝐅 𝐈𝐍𝐒𝐏𝐄𝐂𝐈𝐎𝐍𝐀 Á𝐑𝐄𝐀 𝟏𝟓𝟎 𝐇𝐄𝐊𝐓Á𝐑 𝐁𝐀 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐏𝐀𝐃𝐃𝐎𝐂𝐊 𝐍𝐎 𝐏𝐀𝐒𝐓𝐀𝐉𝐄𝐍 𝐈𝐇𝐀 𝐋𝐀𝐔𝐓É𝐌.

Data Publica

17 Nov 2026

Descrisaun

𝐋𝐚𝐮𝐭é𝐦, 𝟏𝟐 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔 || Ministru Agrikultura, Pekuária, Peskas no Florestas (MAPPF), 𝐄𝐧𝐠. 𝐌𝐚𝐫𝐜𝐨𝐬 𝐝𝐚 𝐂𝐫𝐮𝐳 “𝐌𝐀𝐌𝐄𝐓𝐀”,akompaña husi Sekretáriu Estadu Pekuária (SEPE), 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨, 𝐋𝐢𝐜. 𝐂𝐒𝐇., 𝐋𝐢𝐜. 𝐃𝐢𝐫., 𝐌𝐃., 𝐌.𝐀𝐏., Diretór-Jerál Pekuária no Veterinária, Diretór Nasionál Pekuária no Veterinária no ekipa téknika, halo vizita servisu ba Sentru Dezenvolvimentu no Formasaun Pekuária, iha Suku Pato, Postu Administrativu Lospalos Vila, Munisípiu Lautém.

Durante vizita ne’e, Ministru MAPPF hamutuk ho SEPE no ekipa téknika halo observasaun direta ba área rai ne’ebé sei uza atu instala 𝒑𝒂𝒅𝒅𝒐𝒄𝒌 no dezenvolve pastajen ba animál, ho luan besik 150 hektár. Aleinde ne’e, delegasaun mós haree diretamente área no sistema kanálizasaun bee, ne’ebé antes ne’e ekipa téknika halo ona levantamentu no sukat, hodi asegura disponibilidade bee ba nesesidade animál no jestaun pastajen.

Entertantu Engenheiru husi Gabinete Sekretáriu Estadu Pekuária (SEPE) mós aprezenta dezeñu no esplika planeamentu tékniku kona-ba instalasaun paddock, inklui sistema kanálizasaun bee ne’ebé ekipa téknika halo ona levantamentu no sukat iha área refere.

Inisiativa ne’e alinha ho prioridade MAPPF ne’ebé Ministru aprezenta ona iha Parlamentu Nasionál, Komisaun D – Asuntu Ekonomia, durante diskusaun Proposta Orsamentu Jerál Estadu (OJE) 2027, kona-ba esforsu atu hasa’e produsaun pekuária nasionál, dezenvolve área pastajen, aumenta disponibilidade ai-han animál lokál no hamenus dependénsia ba importasaun. Ho dezenvolvimentu área 𝒑𝒂𝒅𝒅𝒐𝒄𝒌 no pastajen ho luan 150 hektár, sentru ne’e iha potensiál atu kontribui ba hadi’a sistema hakiak animál, aumenta produtividade no haforsa dezenvolvimentu setór pekuária iha Munisípiu Lautém.

Galeria
Video

Laiha Video

Dokumentus

Laiha Dokumentus