𝐌𝐈𝐍𝐈𝐒𝐓𝐑𝐔 𝐌𝐀𝐏𝐏𝐅 𝐀𝐊𝐎𝐌𝐏𝐀𝐍𝐇𝐀 𝐏𝐑𝐎𝐆𝐑𝐄𝐒𝐔 𝐊𝐎𝐍𝐒𝐓𝐑𝐔𝐒𝐀𝐔𝐍 𝐒𝐈𝐒𝐓𝐄𝐌𝐀 𝐈𝐑𝐈𝐆𝐀𝐒𝐀𝐔𝐍 𝐈𝐇𝐀 𝐔𝐀𝐓𝐔𝐋𝐀𝐑𝐈.
Asuntu
𝐌𝐈𝐍𝐈𝐒𝐓𝐑𝐔 𝐌𝐀𝐏𝐏𝐅 𝐀𝐊𝐎𝐌𝐏𝐀𝐍𝐇𝐀 𝐏𝐑𝐎𝐆𝐑𝐄𝐒𝐔 𝐊𝐎𝐍𝐒𝐓𝐑𝐔𝐒𝐀𝐔𝐍 𝐒𝐈𝐒𝐓𝐄𝐌𝐀 𝐈𝐑𝐈𝐆𝐀𝐒𝐀𝐔𝐍 𝐈𝐇𝐀 𝐔𝐀𝐓𝐔𝐋𝐀𝐑𝐈.
Data Publica
17 Nov 2026
Descrisaun
𝐕𝐢𝐪𝐮𝐞𝐪𝐮𝐞, 𝟏𝟑 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔 || Ministru Agrikultura, Pekuária, Peskas no Florestas (MAPPF), 𝐄𝐧𝐠. 𝐌𝐚𝐫𝐜𝐨𝐬 𝐝𝐚 𝐂𝐫𝐮𝐳 “𝐌𝐀𝐌𝐄𝐓𝐀”, akompañadu husi Sekretáriu Estadu Pekuária (SEPE), 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨, 𝐋𝐢𝐜. 𝐂𝐒𝐇., 𝐋𝐢𝐜. 𝐃𝐢𝐫., 𝐌𝐃., 𝐌.𝐀𝐏., halo vizita direta ba projetu konstrusaun sistema irigasaun ne’ebé hala’o hela husi empreza lokal, iha Suku Babulo no Afaloikai, Postu Administrativu Uatulari, Munisípiu Viqueque.
Projetu konstrusaun sistema irigasaun ne’e kobre área komunidade iha Aldeia Darlari no Aldeia Beli, ho objetivu prinsipál atu hadi’a asesu ba bee no fasilita atividade agrikultura ba komunidade agrikultór sira. Ho implementasaun projetu ne’e, komunidade iha suku rua refere sei iha oportunidade di’ak liu atu aproveita rekursu bee ba atividade to’os no natar, inklui hadi’a sistema produsaun agríkola durante tinan tomak.
Iha vizita ne’e, Ministru 𝐌𝐀𝐏𝐏𝐅 husu ba empreza responsavel atu acelera no asegura katak traballu konstrusaun hala’o tuir padraun no kualidade ne’ebé determina, atu projetu bele remata iha tempu ne’ebé planeadu no komunidade bele utiliza sistema irigasaun ne’e lalais.
Ministru mós apela ba komunidade agrikultór sira atu prepara an no rai agríkola, hodi bainhira konstrusaun sistema irigasaun remata, bele aproveita bee ne’e ho di’ak liu, liuliu ba atividade kuda hare, modo no produtu agríkola seluk ne’ebé bele aumenta produsaun no rendimentu família.
Governu, liuhusi MAPPF, kontinua fó atensaun ba hadi’a infraestrutura agríkola, liuliu sistema irigasaun, nu’udar baze importante ida atu aumenta produsaun lokál, hametin seguransa ai-han no promove dezenvolvimentu ekonomia komunidade iha área rurál.
Galeria
Video
Laiha Video
Dokumentus
Laiha Dokumentus