𝐌𝐀𝐏𝐏𝐅 𝐀𝐕𝐀𝐋𝐈𝐀 𝐑𝐀𝐈 𝟕𝟐,𝟒 𝐇𝐄𝐊𝐓𝐀𝐑𝐄 𝐁𝐀 𝐅𝐔𝐓𝐔𝐑𝐔 𝐒𝐄𝐍𝐓𝐑𝐔 𝐏𝐑𝐎𝐆𝐑𝐀𝐌𝐀 𝐊𝐀𝐑𝐀𝐔 𝐒𝐔𝐒𝐔𝐁𝐄𝐍 𝐈𝐇𝐀 𝐕𝐈𝐐𝐔𝐐𝐔𝐄.
Asuntu
𝐌𝐀𝐏𝐏𝐅 𝐀𝐕𝐀𝐋𝐈𝐀 𝐑𝐀𝐈 𝟕𝟐,𝟒 𝐇𝐄𝐊𝐓𝐀𝐑𝐄 𝐁𝐀 𝐅𝐔𝐓𝐔𝐑𝐔 𝐒𝐄𝐍𝐓𝐑𝐔 𝐏𝐑𝐎𝐆𝐑𝐀𝐌𝐀 𝐊𝐀𝐑𝐀𝐔 𝐒𝐔𝐒𝐔𝐁𝐄𝐍 𝐈𝐇𝐀 𝐕𝐈𝐐𝐔𝐐𝐔𝐄.
Data Publica
17 Nov 2026
Descrisaun
𝐃í𝐥𝐢, 𝟏𝟒 𝐍𝐨𝐯𝐞𝐦𝐛𝐫𝐮 𝟐𝟎𝟐𝟔 || Ministru Agrikultura, Pekuária, Peskas no Florestas (MAPPF), 𝐄𝐧𝐠. 𝐌𝐚𝐫𝐜𝐨𝐬 𝐝𝐚 𝐂𝐫𝐮𝐳 “𝐌𝐀𝐌𝐄𝐓𝐀”, hamutuk ho Sekretáriu Estadu Pekuária (SEPE), 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨, 𝐋𝐢𝐜. 𝐂𝐒𝐇., 𝐋𝐢𝐜. 𝐃𝐢𝐫., 𝐌𝐃., 𝐌.𝐀𝐏.,realiza vizita direta ba área rai ne’ebé destina atu sai fatin ba futuru instalasaun Sentru Programa Karau Susuben.
Vizita ne’e akompaña mós husi representante Pam Viquque no Diretór-Jerál Pekuária no Veterinária, Diretór Nasionál Pekuária no Veterinária, ekipa téknika no enjineiru, ho partisipasaun autoridade lokál, inklui Xefe Suku Uma Quic no Xefe Aldeia Rai Hun, atu haree diretamente kondisaun rai, asesibilidade no preparasaun téknika ba dezenvolvimentu sentru refere.
Área rai ho luan 72,4 𝒉𝒆𝒌𝒕𝒂𝒓𝒆 lokaliza iha Suku Uma Quic, Aldeia Rai Hun, ne’ebé uluk Xefe Suku Uma Quic, Claudino Amaral, hamutuk ho komunidade Aldeia Rai Hun, oferese ba Sekretaria Estadu Pekuária (SEPE), ho objetivu atu suporta planu dezenvolvimentu setór pekuária, liuliu ba futuru instalasaun Sentru Programa Karau Susuben.
Durante vizita, Ministru MAPPF fó orientasaun direta atu mobiliza makina pesada, inklui eskavadora, hodi hahú hadi’a no loke asesu dalan ba área refere. Inisiativa ne’e hatudu kompromisu lideransa MAPPF atu transforma kontribuisaun komunidade sai realidade liuhusi preparasaun infraestrutura no planeamentu ba dezenvolvimentu sentru ne’e.
Inisiativa ne’e la’ós de’it reprezenta preparasaun ba konstrusaun infraestrutura, maibé mós pasu importante ida atu hametin dezenvolvimentu pekuária, hasa’e produsaun karau susuben no kria oportunidade ba komunidade lokál iha futuru.
Galeria
Video
Laiha Video
Dokumentus
Laiha Dokumentus