SEKRETÁRIU ESTADU ESJ-ESTV HALA’O VIZITA KORTEZIA BA ESKOLA E.B.F. BADUT-MEAN IHA BALIBO

18 Nov 2026
Press Release Image
Asuntu

SEKRETÁRIU ESTADU ESJ-ESTV HALA’O VIZITA KORTEZIA BA ESKOLA E.B.F. BADUT-MEAN IHA BALIBO

Data Publica

18 Nov 2026

Descrisaun

Bobonaro, 18 Novembru 2026 – Sekretáriu Estadu ba Ensinu Sekundáriu Jerál no Ensinu Sekundáriu Tékniku-Vokasionál (ESJ-ESTV), Domingos Lopes Lemos, hala’o vizita kortezia ba Eskola Ensinu Báziku Filiál (E.B.F.) Badut-Mean, Postu Administrativu Balibó, Munisípiu Bobonaro, iha Kuarta-feira (18/11).

Vizita ne’e nia objetivu prinsipál mak atu haree no avalia diretamente kondisaun atuál eskola, inklui situasaun no dezafiu sira ne’ebé eskola enfrenta iha prosesu ensinu no aprendizajen, nune’e mós kondisaun infraestrutura no nesesidade sira ne’ebé presiza hetan atensaun.

Iha vizita ne’e, Sekretáriu Estadu Domingos Lopes Lemos iha oportunidade atu haree diretamente realidade no situasaun eskola nian, hodi komprende di’ak liután kondisaun ne’ebé profesór no estudante sira enfrenta iha atividade aprendizajen loroloron.

Tuir dadus ne’ebé disponivel, E.B.F. Filiál Badut-Mean iha totál estudante nain 94, kompostu husi estudante mane nain 53 no estudante feto nain 41.

Liuhusi vizita direta hanesan ne’e, Ministériu Edukasaun kontinua buka hatene realidade eskola sira iha territóriu, hodi identifika nesesidade no dezafiu sira ne’ebé presiza hetan solusaun, atu hametin kualidade edukasaun no garante ambiente aprendizajen ne’ebé di’ak ba estudante hotu.

#VersaunPortugés

SECRETÁRIO DE ESTADO DO ESG-ESTV REALIZA VISITA À ESCOLA BÁSICA FILIAL DE BADUT-MEAN, EM BALIBÓ

Bobonaro, 18 de novembro de 2026 – O Secretário de Estado do Ensino Secundário Geral e do Ensino Secundário Técnico-Vocacional (ESG-ESTV), Domingos Lopes Lemos, realizou, esta quarta-feira, uma visita à Escola Básica Filial (E.B.F.) de Badut-Mean, no Posto Administrativo de Balibó, Município de Bobonaro.

A visita teve como principal objectivo observar e avaliar directamente as condições actuais da escola, nomeadamente as situações e os desafios que enfrenta no desenvolvimento do processo de ensino e aprendizagem, bem como as condições das infra-estruturas e as necessidades que requerem maior atenção.

Durante a visita, o Secretário de Estado teve a oportunidade de conhecer de perto a realidade e a situação da escola, procurando compreender melhor as condições em que os professores e os alunos desenvolvem diariamente as actividades de ensino e aprendizagem.

De acordo com os dados disponíveis, a Escola Básica Filial de Badut-Mean conta actualmente com um total de 94 alunos, dos quais 53 são do sexo masculino e 41 do sexo feminino.

Através de visitas de acompanhamento às escolas em todo o território nacional, o Ministério da Educação procura conhecer de perto as realidades locais e identificar as principais necessidades e desafios, com vista a encontrar soluções que contribuam para o reforço da qualidade do ensino e para a criação de melhores condições de aprendizagem para todos os alunos.

Galeria
Video

Laiha Video

Dokumentus

Laiha Dokumentus