SEI REALIZA ENKONTRU HO PARSEIRU DEZENVOLVIMENTU SIRA HUSI LIÑAS MINISTERIAIS, SOSIEDADE SIVÍL NO AJENSIA INTERNASIANAIS, HODI DESIDE TEMA NASIONÁL BA ATIVIDADE KAMPAÑA LORON 16 ATIVISMU KONTRA VIOLÉNSIA HASORU FETO NO LABARI
Asuntu
SEI REALIZA ENKONTRU HO PARSEIRU DEZENVOLVIMENTU SIRA HUSI LIÑAS MINISTERIAIS, SOSIEDADE SIVÍL NO AJENSIA INTERNASIANAIS, HODI DESIDE TEMA NASIONÁL BA ATIVIDADE KAMPAÑA LORON 16 ATIVISMU KONTRA VIOLÉNSIA HASORU FETO NO LABARI
Data Publica
19 Nov 2026
Descrisaun
Dili, 18-11-2026__Sekretaria Estadu ba Igualdade-SEI, liuhusi Diresaun Nasionál Polítika Igualdade Jéneru (DNPIJ-SEI), realiza Enkontru ho Parseiru Dezenvolvimentu sira ne’ebé mai husi Liñas Ministeriais, Sosiedade Sivíl no Ajensia Internasionais, no hodi diside Tema Nasionál ba Atividade Kampaña Loron 16 Ativismu Kontra Violénsia Hasoru Feto no Labarik Feto iha Timor-Leste, ne’ebé mak prezide husi Diretór Nasionál Polítika Igualdade Jéneru (DNPIJ-SEI), Sr. Abilio Bareto, iha Salaun Maria Goreti SEI.
Objetivu husi Enkontru ne’e mak atu tau hanoin hamutuk hodi bele deside tema nasionál ba atividade Kampaña Loron 16 Ativismu Kontra Violénsia Hasoru Feto no Labarik-Feto iha Timor-Leste.
Iha enkontru ne’e iha mós aprezentasaun kona-ba ToR ba atividade Kampaña Loron 16 Ativismu Kontra Violénsia Hasoru Feto no Labarik-Feto, ne’ebé mak aprezenta husi Diretór Nasionál Polítika Igualdade Jéneru (DNPIJ-SEI), Sr. Abilio Bareto,, Diskusaun ba Tema Nasionál ba atividade Kampaña Loron 16 Ativismu Kontra Violénsia Hasoru Feto no Labarik-Feto, ne’ebé mak husi parte SEI prepara ona tema iha tolu, no aprezentasaun husi parseiru sira kona-ba sira nia atividade ne’ebé mak sei realiza iha ámbitu atividade Kampaña Loron 16 Ativismu Kontra Violénsia Hasoru Feto no Labarik-Feto iha Timor-Leste.
Iha sesaun enseramentu Diretór Nasionál Polítika Igualdade Jéneru (DNPIJ-SEI), Sr. Abilio Bareto, hodi S.E. nia naran hato’o agradese wain ba parseiru hotu, liu-liu agradese mós ba iha Diretór-Jerál husi MSSI, Diretora Jerál husi Ministériu Saúde Komandante husi Gabinete Jéneru PNTL nian, Parseiru Nasionál no Internasionál sira no mós kolega parseiru sira husi Liñas Ministeriais sira hotu.
“Ita ninian hamutuk ne’e nanis tiha ona, tanba ne’e mak ita latau iha ne’eba, maibe fiar katak ho sekuensia atividade lubuk ida ne’ebé ita sei priense, ohin hato’o ona husi Exelentisimu DG MSSI, katak ita sei apoiu malu para fó susesu no ita-nia intensaun nemak ema hotu-hotu tenki moris livre husi violénsia no ema hotu-hotu iha direitu ne’ebé hanesan atu goza ninian moris liu-liu direitu fundamentu sira“ Dehan Diretór DNPIJ-SEI, Sr. Abilio Barreto.
Galeria
Video
Laiha Video
Dokumentus
Laiha Dokumentus