Dili, 27 Setembru 2025

Embaixada Indonézia Iha Timor-Leste (KBRI) sabadu ne'e Komemora Loron Indonesia 2025 (Indonesia Day 2025) iha resintu Timor-Plaza Dili.

Eventu ne’e partisipa husi Prezidente Repúblika José-Ramos Horta, Prezidente Tribunál Rekursu, Afonso Carmona, Vise-Primeiru Ministru, Ministru Koordenadór bá Asuntu Sosiál no Ministru Dezenvolvimentu Rurál no Abitasaun Komunitária, Mariano Asanami Sabino, Ministru Transporte no Komunikasaun, Eng.Miguel Marques Gonçalves Manetelu, Vise-Ministra bá Asuntu ASEAN, Milena Maria da Costa Rangel, Sekretáriu Estadu Arte no kultura, Jorge Soares Cristovão, Corpu Diplomatiku, Segundu Komandante Jerál PNTL, Komisáriu Pedro Belo, PDHJ, Virgílio da Silva Guterres no Sidadaun Indonézia ne’ebé servisu no hela iha Timor-Leste.

Objetivu Hametin Ligasaun Kultura no Ekonómika ho Timor-Leste bá Integrasaun ASEAN, Paz no Harmonia.

Eventu ne’e anima ho konsertu muzika husi artisita indonézia no Timor-Leste, dansa kultura Indonézia nia iha mós bazar kalan ho hahan tradisionál indonézia nomos faan produtu lokál husi indonézia nia.

𝐌é𝐝𝐢𝐚 𝐌𝐓𝐊