MINISTRU MANETELU OBSERVA DIRETA PROGRESU KONSTRUSAUN TERMINÁL PASAJEIRU FOUN AIPNL.

19 Nov 2026
Press Release Image
Asuntu

MINISTRU MANETELU OBSERVA DIRETA PROGRESU KONSTRUSAUN TERMINÁL PASAJEIRU FOUN AIPNL.

Data Publica

19 Nov 2026

Descrisaun

Dili, 18 Novembru 2026

Ministru Transportes no Komunikasoens (MTK), Eng.Miguel Marques Gonçalves Manetelu, hala’o observasaun direta iha terrenu hodi haree besik liután progresu konstrusaun terminál pasajeiru foun iha Aeroportu Internasionál Prezidente Nicolau Lobato, Komoro, Dili, iha Kuarta-feira ne’e.

Iha observasaun ne’e, governante ne’e nota katak empreza konstrutora ne’ebé toma konta-bá obra refere kontinua hala’o sira-nia servisu ho ativu iha fatin konstrusaun hodi garante katak projetu estratéjiku nasionál ne’e la’o nafatin.

Vizita ne’e hanesan parte husi kompromisu Ministériu Transportes no Komunikasoens nian atu halo akompañamentu no supervizaun regulár bá projetu infraestrutura estratéjiku ne’e, liuliu iha setór aviasaun sivíl. Akompañamentu direta ne’e importante hodi asegura katak kualidade obra no prazu ezekusaun la’o tuir padraun internasionál ne’ebé estabelese ona.

Projetu modernizasaun no konstrusaun terminál foun Aeroportu Internasionál Prezidente Nicolau Lobato sai hanesan prioridade boot ida bá Governu Timor-Leste hodi hasa’e kapasidade atendimentu bá pasajeiru sira, hadi’a seguransa aviasaun no fasilita konektividade aérea Timor-Leste nian ho rejiaun nomos mundu.

 https://sdi.gov.tl/ministerio/presrealease/create

Média MTK 

Galeria
Video

Laiha Video

Dokumentus

Laiha Dokumentus