PRIMEIRU-MINISTRU XANANA GUSMÃO APREZENTA EMBLEMA ASEAN BÁ POVU TIMOR-LESTE HAFOIN PARTISIPA IHA SIMEIRA DA-49 IHA MANILA.
Asuntu
PRIMEIRU-MINISTRU XANANA GUSMÃO APREZENTA EMBLEMA ASEAN BÁ POVU TIMOR-LESTE HAFOIN PARTISIPA IHA SIMEIRA DA-49 IHA MANILA.
Data Publica
20 Nov 2026
Descrisaun
Dili, 19 Novembru 2026
Primeiru-Ministru, Kay Rala Xanana Gusmão, aprezenta ofisialmente Emblema Asosiasaun Nasaun Sudeste Aziátiku (ASEAN) bá povu Timor-Leste, nu’udár símbolu pertense, identidade no kompromisu nasionál iha komunidade rejionál nia laran.
Iha Manila, Filipina, ne’ebé marka partisipasaun Timor-Leste nu’udár membru plenu bá-11 iha organizasaun rejionál ASEAN.
Aprezentasaun ne’e realiza hafoin Xefe Governu no delegasaun Timor-Leste nian fila husi partisipasaun iha Simeira ASEAN ba da-49 no Enkontru Relasionadu sira, ne’ebé hala’o iha Philippine International Convention Center (PICC), Metro Manila, Filipina, iha loron 15 to’o 17 fulan-Novembru tinan 2026.
Iha serimónia abertura Simeira ASEAN bá da-49 iha Filipina, líder ASEAN sira inaugura mós símbolu foun organizasaun nian, halo aprezentasaun kona-bá Akordu Kuadru bá Ekonomia Dijitál (Digital Economy Framework Agreement) no diskute progresu integrasaun Timor-Leste nian iha rejiaun.
Povu Timor-Leste, aprezenta Emblema ASEAN ne’e iha signifikadu istóriku ne’ebé kle’na :
• Símbolu Pertense no Identidade: Hametin pozisaun Timor-Leste nian hanesan parte integrante ida husi família boot Sudeste Aziátiku, hodi kuda espiritu unidade no identidade rejionál iha sidadaun hotu nia fuan.
• Kompromisu Nasionál: Reflete vontade polítika no kompromisu firme Governu no povu Timor-Leste nian atu kontribui ho maneira konstrutiva bá pás, estabilidade no prosperidade ekonómika iha rejiaun.
https://sdi.gov.tl/ministerio/presrealease/create
Média MTK
Galeria
Video
Laiha Video
Dokumentus
Laiha Dokumentus