𝗘𝗦𝗧𝗥𝗔𝗗𝗔 𝗨𝗥𝗕𝗔𝗡𝗔 𝗟𝗜𝗞𝗜𝗦𝗔 𝗟𝗔𝗡𝗦𝗔 𝗙𝗔𝗧𝗨𝗞 𝗗𝗔𝗛𝗨𝗟𝗨𝗞
Asuntu
𝗘𝗦𝗧𝗥𝗔𝗗𝗔 𝗨𝗥𝗕𝗔𝗡𝗔 𝗟𝗜𝗞𝗜𝗦𝗔 𝗟𝗔𝗡𝗦𝗔 𝗙𝗔𝗧𝗨𝗞 𝗗𝗔𝗛𝗨𝗟𝗨𝗞
Data Publica
20 Nov 2026
Descrisaun
𝗟𝗶𝗸𝗶𝘀𝗮, 𝟭𝟲 𝗡𝗼𝘃𝗲𝗺𝗯𝗿𝘂 𝟮𝟬𝟮𝟲
Primeiru-Ministru, Kay Rala Xanana Gusmão, hamutuk ho Ministru Obras Públikas, Samuel Marçal akompaña husi Prezidemti Autoriedade Munisipiu Likisa, Paulino Ribeiro, iha kinta-feira ne'e ofisialmente lansa Fatuk Dahuluk bá Projetu Estrada Urbana Liquiçá, Munisípiu Liquiçá.
Serimónia lansamentu ne'e marka inísiu konstrusaun estrada urbana ne'ebé sei hadi'a ligasaun, fasilita movimentu transporte no hasa'e asesu komunidade bá servisu esensiál sira, hanesan merkadu, eskola, sentru saúde nomos servisu públiku sira seluk.
Iha nia diskursu, Primeiru-Ministru hateten katak konstrusaun estrada urbana ne'e parte husi kompromisu Governu nian atu hadi'a infraestrutura bázika iha munisípiu sira, hametin dezenvolvimentu lokál no hadi'a kondisaun moris populasaun nian.
Ministru Obras Públikas, Samuel Marçal, hateten katak Ministériu sei garante kualidade obra, transparénsia no ezekusaun tuir tempu ne'ebé determina ona, hodi nune'e estrada ne'e bele uza ho seguru nomos dura bá tempu naruk.
Iha biban ne'e Ministru Obras Públikas, husu bá komunidade atu kolabora no fó apoiu durante prosesu konstrusaun, liuliu hodi respeita sinál seguransa nomos pasajen provizória sira iha área obra.
Projetu rehabilitasaun estrada urbana Likisa konstrui husi kompañia Lima (5) mák hanesan, kompañia Haksolok Unipessoal, Lda, Arquiris Unipessoal, Lda, Kompañia Tjmanipag Cupadtroy Unipessoal, Lda, Kompañia Metalika Unipessoal, Lda no Kompañia Goubara Unipessoal, Lda.
Serimónia ne'e partisipa husi Vise-Ministru Asuntus Parlamentares, Adérito Hugo da Costa,
Sekretáriu Estadu Veteranus, César dos Santos da Silva, Sekretáriu Estadu Asuntus Toponímia no Organizasaun Urbana, Germano Santa Brites Dias, Sekretáriu Estadu Peskas, Domingos da Conceição dos Santos, Prezidemti Komisaun E Parlamentu Nasionál, Marcos Xavier, Autoriedade Posto Administrativu Haat iha Likisa, Komando PNTL Munisipiu Likisa, F-FDTL Komponente Naval, lider komunitáriu, reprezentante igreja Katolika, reprezentante kompañia konstrutora, estudante no komunidade Munisípiu Likisa.
https://sdi.gov.tl/ministerio/presrealease/create
*𝗠𝗶́𝗱𝗶𝗮 𝗠𝗢𝗣*
Galeria
Video
Laiha Video
Dokumentus
Laiha Dokumentus