RAEOA, 23-24 fulan-setembru tinan 2025__Funsionáriu Tékniku SEI, husi Diresaun Nasionál Dezenvolvimentu Igualdade Jéneru (DNDIG), Departamentu Empoderamentu Ekonómiku Feto, Sr. José do Rosário de Carvalho reprezenta Sua Exelensia Sekretária Estadu ba Igualdade, Sra. Elvina Sousa Carvalho sai oradór prinsipál ba Espozisaun Promove Foin-sa'e Produtór no Empredorizmu iha Rejionál Administrativa Espesiál Oé-cusse Ambeno (RAEOA).

Atividade refere ho objetivu atu promove setór produtivu no empredorizmu ba foinsa'e sira, nune'e bele sai nu’udar setór ne'ebé atrativu no seguru liu atu bele kria kampu servisu ba an rasik, hodi bele kontribui ba politika diversifikasaun ekonómiku. Atividade ezpozisaun refere sei sai fatin diálogu entre foin-sa’e ho nia ukun na'in sira, hodi bele halo komunikasaun direita kona-ba esforsu sira ne'ebé grupu produtór sira halo, hodi bele kontribui ba programa Governu nian ne'ebé kada Institusaun Governu iha.

Señór José do Rosário de Carvalho, funsionáriu tékniku-SEI, ne’ebé reprezenta Sua Exelénsia Sekretária Estadu ba Igualdade, Sra. Elvina Sousa Carvalho hodi sai oradór iha espoziasaun ne’e hato’o kona-ba papél SEI ho nia programa prioridade sira ne’ebé sai pilár importante ba iha promosaun igualdade jéneru no inkluzaun sosiál iha Timor-Leste.

Señór José akresenta hodi refere ba iha programa sira ne’ebé SEI implementa hodi apoiu feto sira liuliu liga ba polítika Ekonomia SEI ba implementasaun Fundus Transferénsia públika mekanizmu Hadulas no Polítika Deklarasaun Maubessi nian ne’ebé iha Liña Ministériu hamutuk 17 no BNCTL mak komprometidu ona atu implementa programa sira ba haforsa kapasidade feto rurál sira iha área oioin tuir área intervensaun ne’ebé liña ministériu implementadór sira iha.

Programa ida-ne’e organiza husi Mata Dalan Institute (MDI) no Alumni Parlamentu Foin-sa’e Timor-Leste (APFTL) ne’ebé konvida mós oradór seluk hanesan Sekretáriu Estadu ba Formasaun Profisionál no Empregu, Sua Exelénsia Rogério Araújo Mendonça L.Ed; Membru Parlamentu Komisaun D; Prezidente Autoridade RAEOA, Sr. Regio da Cruz; no Grupu produtór husi munisípiu no RAEOA nian.

#Média SEI#

Fontes: https://www.facebook.com/share/p/17SuqQRXZD/