𝐌𝐚𝐧𝐮𝐟𝐚𝐡𝐢, 𝟐𝟕 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓

Ministru Obras Públikas, Samuel Marçal akompañia husi Vise-Ministru Asuntu Parlamentár, Adérito Hugo da Costa, inaugura ponte Abatu iha Postu Administrativu Same-Vila, Munisípiu Manufahi, iha loron sabadu ne’e.

Ponte refere konstrui husi empreza Starking Unipessoal, Lda, hahú husi Outubru 2023 no termina iha 2024 nia rohan ho nia medida naruk metru 18 no luan metru 8 ho totál orsamentu $ 856.113,56.

Nia afirma povu tenke kontribui bá dezenvolvimentu hotu-hotu liuliu infraestrutura báziku, labele halo impedimentu tanba setór produtivu atu la'o presiza infraestrutura tenke la'o.

Partisipa iha seremónia inagurasaun projetu bee moos ne’e, Diretór Jerál Estrada Ponte Prevensaun no Kontrolu, Nene Lobato, Diretór Jerál Habitasaun Urbanismu, Domingos de Jejus Sequeira, Diretór Konstrusaun Vias Rodaviarias, Milton Ramanata de Castro Monteiro, Koordenador Unidade Inspesaun Verifikasaun no Pagamentu, Aleixo Amaral do Carmo, Diretóra Manutensaun Estrada no Drainajen, Letigia dos Reis Hanjam Corbafo, Diretóra Nasionál Aprovizionamentu MOP, Isabel Maria Lay Guterres,Gabineti Ispesaun i Auditoria, Raquel Pinheiro, Amu Pároco Igereja Nossa Senhora Assunção Same, ekipa tékniku husi MOP, Jerente no funsinariu BTL,E.P, Sekretariu Grande Projetu, ADN, Prezidenti Kombatentes Libertasaun Nasionál Munisipál Manufahi, segundu Komandante PNTL, Komandante Navál F-FDTL Postu Betano, Prezidenti APC, Lideransa Komunitáriu husi Postu 4, Diretór Servisu Autoridade Munisipál Manufahi no Diretór Delegasaun Territoriál, Administradór Postu Sosiedade sivil sira, Estudante Sekundáriu 1912 Manufahi no Komunidade sira.

*𝐌𝐢́𝐝𝐢𝐚-𝐌𝐎𝐏