Dili, 29 Setembru 2025

Ministru Transporte no Komunikasaun, Eng.Miguel Marques Gonçalves Manetelu segunda ne'e konvoka enkontru ho Dirijente sira iha Autoridade Navigasaun Administrasun Timor-Leste Empreza Públika (ANATL-EP) iha sala enkontru ANATL-EP Comoro Dili.

Iha enkontru ne’e diskuti pontus importante balu maka hanesan :

1. Hala’o diskusaun Relatóriu Tribunál das Contas inklui gastus bá reseitas;

2. Estatútut ANATL

3. Servisu sira ligadu ho aeroportu nian

Iha diskusaun ne’e Ministru Manetelu husu bá dirijenti sira atu aprezenta relatóriu Tribunál das Contas inklui gastus bá reseitas.

• Falta relatóriu trimestrál no annuál kona-bá ezekusaun orsamentu no reseitas (tipu reseitas);

• Hamosu hanoin katak iha indikasaun mal-jestaun, bele fó imajen ladun di’ak kona-bá atendementu AIPNL nu’udar portaun entra bá Timor-Leste;

• Falta planu investimentu

• Falta manuál (flowchart) kona-bá sei halo saida iha aeroportu (ANTL, Imigrasaun, Alfandega no MNEK);

1. Kestaun Estatútu ANATL-EP nia

Diskusaun bá estatutu ANATL; Ministru informa kona-bá karta ne’ebé nia hakerek ona husi Dubai hodi responde bá Planu Primeiru-Ministru Kay Rala Xanana Gusmão nian atu halo reforma bá institution inklui EP no IP sira.

Kona-bá reforma, bele halo iha forma oin tolu (3):

(1) Fuzaun (Merger) EP no IP sira bá instituisaun ida;

(2) Fila fali bá Ministériu sai diresaun jerál ka diresaun nasionál ida;

(3) Totalmente halakon;

Maske tuir Dekretu Lei 27/2023, ANATL nu’udar ajénsia autonoma indereta husi MTK, Dekretu Lei Nu. 10/2025 mós fó kompeténsia bá Ministru Transporte no Komunikasaun sai superintendenti bá servisu ANATL-EP; Husu bá Dirijenti sira ANATL-EP nian atu kumpriende no halo tuir.

2. Servisu sira ligadu ho Aeroportu

Servisu projetu Aeroportu Internasionál Prezidente Nicoalu Lobato ninia prosesu to’o iha ne’ebé ona, preokupasaun kona-bá seida’uk muda populasaun husi aréa sira afetadu husi projetu. Konsistenti iha ezekusaun lei wainhira muda populasaun sira iha aréa refere.

𝐌é𝐝𝐢𝐚 𝐌T𝐊