𝟑𝟎 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓
===============
Vise Primeiru-Ministru, Ministru Koordenadór Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, hala’o reuniaun kortezia ho Embaixadór foun Uniaun Europeia (UE) nian iha Timor-Leste, Thorsten Bargfrede no mós Embaixadór Adjuntu Seksaun Polítika, Christoph Sorg, no Xefe Adjuntu Kooperasaun, Seth Van Doorn.

Reuniaun kortejia ne'e hala'o iha Gabinete Vise-PM, Farol, Díli, Segunda 30 Setembru 2025.

Objetivu reuniaun nian hodi kumprimenta no simu bemvindu ba Embaixadór foun UE, Thorsten Bargfrede, no hodi hametin dalan foun kona-bá parseiru estratéjiku no relasaun lubun ida iha entre Timor-Leste no Uniaun Europeia.

Embaixadór UE, Thorsten Bargfrede, nasionalidade Alemaña, no nia kareira hanesan diplomátiku esperiensiadu ho knaar barak iha Servisu Europeu ba Asaun Externa (EEAS). Esperiénsia Internasionál, Postu antes mak inklui Sri Lanka, Maldivas, Quénia, Pakistaun no Bruxelas. Mandatu iha Timor-Leste; Nomeadu ba tempu tinan tolu, substitui Embaixadór Marc Fiedrich. Objetivu mak hatudu kompromisu públiku atu hametin relasaun entre UE ho Timor-Leste.