Dili loron 2, fulan Outobru, tinan 2025 Sekretáriu Estadu ba Formasaun Profisionál no Empregu, sua exelénsia Rogério Araújo Mendonça L.Ed, hala’o sorumutu ho Empreza BioGiente hodi deskuti konaba servisu hamutuk SEFOPE ho Biogiene ba prgrama Scale-Up iha futuru

Objetivu prinsipal husi sorumutu ida ne'e maka oinsá SEFOPE no Biogiene bele serbisu hamutuk liu husi deskuti preparasaun Memorandu Entendimentu (MOU) ida entre SEFOPE ho Biogiene, atu nune’e prepara formasaun ne’ebé diak hodi hasa’e kapasidade no abilidade ba kandidatu sira ho kualidade di'ak ba programa scale-up.

Aliende ne’e empreza Biogiene nia Kompromisu ho komitmentu Biogiene nian hodi servisu besik ho SEFOPE hodi kria dalan ba kandidatu Timoroan sira atu servisu iha Australia no Nova Zelandia.

Ho nune’e iha sorumutu tuir mai SEFOPE sei konvida PLMSP no DFAT atu partisipa iha diskusaun programa "Skill Up'. Etapa tuirmai no envolve mós Biogiene, aprezentasaun ida kona-ba oinsá atu estabelese no investe iha programa.

Sorumutu ne'e partisipa husi Diretór jerál Formasaun Profsionál, Diretór Empregu estranjeiru, Diretora Nasionál Formasaun Profisioná, no Asesór husi parte Timor-Leste, no Grant Smith, Aaron Langley, no Tess Cutri reprezenta Biogiene, hamutuk ho reprezentante sira husi DFAT no PLM nu’udar parte interesada prinsipál sira). Pontu Xave sira Diskusaun nian no Rezultadu sira Parseria Timor-Leste - Austrália no Programa Scale-Up.

#MediaGSE