Díli, 04 Outubru 2025

Ministru Transporte no Komunikasaun, Eng.Miguel Marques Gonçalves Manetelu sabadu ohin, hamutuk ho Xefe Gabinete MTK, José da Costa, ekipa Administrasaun Aeroportus no Navegasaun Áerea Timor-Leste Empreza Públika (ANATL, E.P) akompaña husi Xefe Suku Madohi Bernadino de Cristo, tun direta hodi hare kompaña Waskita Karya ne’ebé hahú mobiliza ekipamentu pezadu, iha Marínir Beto-Tasi.

Iha terrenu Kompaña Waskita Karya hahú hala’o servisu, mobiliza, ekipamentu pezadu hanesan eskavator hodi harahun uma no hamos ai-horis komunidade afetadu sira nian iha Marinir Beto-Tasi ne’ebe hetan ona indeminizasaun husi governu. Kompaña Waskita Karya sei hahú hodi hala’o projetu espansaun pista, Aeroporto Internasionál Prezidente Nicolau Lobato (AIPNL) Comoro, Díli.

Ministru Manetelu agradese bá komunidade afetadu sira iha Marinir Beto-Tasi, tanba koopera di’ak ho autoridade lokál sira liuhosi Xefe Suku Madohi. Aleinde ne’e mós Tuir observasun iha terrenu komunidade sira hahú sobu sira nia uma, hodi fó espasu bá kompaña responsabel hodi halo servisu normál.

𝐌é𝐝𝐢𝐚 𝐌𝐓𝐊