Filipina; Ministru Agrikultura Pekuária Pesca no Floresta Marcos “Mameta” da Cruz akompaña husi Embaxador Timor Leste iha Filpina Marciano Octavio Garcia da Silva vizita Departamentu Agrikultura Filipina Sentru karau Susu be’en hodi haree besik liu prosesu hakiak karau to’o ba iha prosesu produsaun susu-been hodi deiversifika ba ai-han seluk hanesan “Yagurtu, keju no fress susu- been, Vizita ne’e hala’o iha loron 30 Setembru 2025 iha Laguna Losbaños.

Ministru MAPPF esplika iha loron 30 fulan Setembru ne’e vizita ba Sentru produsaun karau susu be’en husi Karau metan, no sira nian sira hanaran karabau, iha vizita ne’e hodi haree diretamente oinsa hakiak karau no oinsa mak produs susuben no halo keju no mantega no haree mós prosesu freezen ba Semen (sperma karau) nomos vizita IRRI hanesan instituisaun ida ne’ebe halo peskiza iha hare ba kulit nian. IRRI mós uluk apoiu Timor iha projeitu naran Seeds of Life, husi Instituisaun IRRI mós haruka peritu balu hodi ba timor hodi halo peskiza hamosu hare variedade Nakroma ne’e.

Ministru hatutan, Vizitasaun Ministru ba iha IRRI hodi hasoru ho IRRI nia bo’ot iha hodi diskusaun oinsa mak bele servsisu hamutuk hodi dezenvolve nafatin fini hare kulit. Fini nakroma tinan 10 liu ona entaun Timor presiza haree mós oinsa mak ita bele kria fini ne’ebé kualidade no mos bele introdus tan fini variedadee foun ruma.

Iha vizita ne’e Ministru, ho nia komitiva vizita International Rice Reserch Institute (IRRI) hodi hare direta Sentru Peskiza ba variedade hare kulit husi nasaun barak nomos banku fini hare inklui haree direta natar ne’ebé mak peskizadór sira halo peskiza ba hare.ekipa DMEA