𝘿𝙞𝙡𝙞, 06 𝙊𝙪𝙩𝙤𝙗𝙧𝙪 2025-Ministru Komérsiu no Indústria, Sr. Nino Pereira, no Vise-Ministru Komérsiu no Indústria, Sr. Augusto Júnior Trindade, hala’o Enkontru Mensál ho Kargu Diretór Jerál (DGs) no Diretór Nasionál (DNs), Xefe Departamentu, Inspetor, Kordenador GCPeR, Xefe Gabinete sira, Inklui Asesor sira hotu, iha salaun enkontru Ministériu Komérsiu no Indústria (MCI), iha Fomentu Mandarin, Dili.

Enkontru ne’e ho objetivu atu atualiza pontu situasaun no perespetivas kada Diresaun Geral/Unidades konaba 𝘼𝙥𝙧𝙚𝙯𝙚𝙣𝙩𝙖𝙨𝙖𝙪𝙣 𝙋𝙧𝙤𝙜𝙧𝙚𝙨𝙪 𝙇𝙚𝙜𝙞𝙨𝙡𝙖𝙨𝙖𝙪𝙣 𝙍𝙚𝙠𝙚𝙯𝙞𝙩𝙪𝙨 𝘿𝙖𝙡𝙖𝙣 𝙗𝙖 𝘼𝙙𝙚𝙯𝙖𝙪𝙣  𝘼𝙎𝙀𝘼𝙉 𝙉𝙤 𝙊𝙈𝙆.

Iha enkontru ne’e, Ministru no Vise Ministru rona diretamente husi Diretór Jerál no Diretór Nasionál, Xefe Departamentu sira inklui Inspetor kona-ba situasaun atuál, dezafiu ne’ebé hasoru no estratéjia sira atu hadi’a servisu Ministériu nian.

Ministru Komérsiu no Indústria, Sr. Nino Pereira subliña,Enkontru mensal ohin ne’e,importante tebes tamba ita atu kontinua nafatin buka para atu atualiza progresu dezafiu servisu hotu ne’ebe maka ita hala’o iha Ministériu.

“Ita buka para atu komunika, buka para atu kordena no hadia hametin nafatin ita nia espiritu traballu iha sinerjia, iha mos ita nia protidaun oinsa ita bele hortika nafatin ita ninia relasaun servisu, koneksaun ita nia diresaun, ita nia departamental para atu bele hare katak ita idak-idak ninia funsaun parsialmente maibe ita hatene nafatin knar responsabilidade ne’ebe irakemente ita buka para atu kumpri no ezekuta.

Liután, Ministru reforsa, fo importansia ba malu tantu iha servisu diresaun nian wainhira iha atividade balun ita ezekuta iha nivel organizadora, iha tinan 2025 ninian ita halo esforsu maske ita hodi bele ezekuta servisu balun ne’ebe ita sei halo iha fulan tolu nia laran, fulan ida ne’e mos fulan importante prosesu tomak Timor-Leste ita nian ba ASEAN.

“Ita rekoñese hanesan ita koalia beibeik katak pilar ekonómia pilar ne’ebe mak importante, pilar ne’ebe mak deside futuru Timor-Leste ninian ba oin ita nia konsentrasaun masimu mos Adezaun ne’e ita maka hola responsabilidade.

Enkontru ne’e hetan partisipasaun husi Diretór Jerál sira, Diretór Nasionál sira, Xefe Departamentu sira, Inspetor, Kordenador GCPeR, Xefe Gabinete Inklui Asesór nasionál no internasional.

📌 𝙈𝙚𝙙𝙞𝙖 𝙈𝘾𝙄