Díli-Segunda, 06/10/2025- Ministériu Finansas Liuhusi Diretor Jerál Jestaun Movilizasaun Rekursu Externa (DGGMRE) Sr. Francisco da Costa, Hala'o Enkontru ho Sekretaria Estadu Protesaun Sivil Sr.Domingos Mariano Reis, ho Reprezentante Banku Mundiál iha Timor-Leste, David Freedman, kona-ba Polítika Finansiamentu Jestaun Risku Dezastre iha Timor-Leste, atividade nee hala'o iha piju 9, Ministériu Finansas, Aitarak-Laran, Díli.

Iha enkontru ne'e, nia vizaun jerál mak kuadru governasaun ba Polítika Finansiamentu Jestaun Risku Dezastre (PFJRD) ho objetivu atu haforsa liutan kordenasaun instituisional no garante implementasaun efetiva.

Razaun ida atu harii husi estrutura nasionál sira ne'ebé eziste hela hodi promove supervizaun estratéjia, kolaborasaun tekniku no akuntabilidade.

Responsavel servisu husi lideransa jerál no kordensaun ba implementasaun PFJRD ho responsabilidade prinsipal mak hanesa, kordena ho lina ministerial sira kona-ba ezekusaun polítika no alokasaun orsamentu. Preside komite orientador interministeriál ba PFJRD. Jere instrumentu sir aba finansiamentu risku dezastre (Ex-Ante No Post-Shock).

Atividade enkontru ne'e mós aprezenta materia husi grupu Banku mundiál iha Timor-Leste nian, husi Sra. Carla S. Requito no Sr. Jian Vun, aprezenta PFJRD kona-ba atu hametin liutan Timor-Leste nia rezilensia ba hasoru peri-natureza liuhusi pratika-sira reziliente iha JFP no finansiamentu jestaun risku dezastre preventivu.

Iha enkontru ne’e hetan partisipa maximu husi diretor jeral MSSI, funsionariu tékniku husi Diresaun Jestaun Mobilizasaun Rekursu Externa (DJJMRE) Ministériu Finansas.

#Foto: #Ekipa #Media #Ministériufinansas

Fontes: https://www.facebook.com/share/p/1DBbQsTAWv/