Filipina, Ministru Agrikultura Pekuária Peska no Floresta akompaña husi Diretór Jeral Agrikultura Café Plantas Industria, Diretora Jeral Unidade Servisu Kooperasaun no Staf Tekniku senior inklui Assesor principal partisipa enkontru nivel Ministru Agrikultura no Floresta hamutuk membru permanente ASEAN husi Nasaun sanulu resin ida (11) hanesan, Indonesia, Brunei Darussalam,Kamboja, Lao Pdr, Malaysia, Myanmar, Singapura, Thailandia, Myanmar hodi koalia konaba Seguransa Ai-han Sustensavel, Aliansa Seguransa Ai-han, mitigasaun mudansa klimatika, Sistema Transformasaun produtu agrikola no ekonomia . enkontru ne’e realiza iha loron 1 Outobru iha salaun enkontru Hotel Conrad Manila.

Iha abertura serimonia AMAF 47th ASEAN ne’e loke husi Ministru Agrikultura Filipina Fransisco “Kiko” P.Laurel katak, enkontru AMAF 47TH hodi koalia konaba luta hodi hadia Seguransa ai-han, agrikultura sustentavel, Floresta, resilensia mudansa klimatika no degrasaun invorimental iha futuru.

Iha entrevista Ministru MAPPF, Marcos “MAMETA” hatete, prezensa Ministériu Agrikultra Timor iha Manila objetivu atu tuir enkontru ASEAN Minister on Agriculture and Forestry (AMAF) ne’e hanesan enkontru Ministru ASEAN ne’ebé liga ho Agrikultura no Floresta ninian, iha Manila hahú 29 Setembru to’o 2 Outobru . ne’eduni enkontru iha loron 1 ate 2 Outobru ne’e, hanesan enkontru, nivel altu husi AMAF, Timor-Leste nia partisipasaun iha enkontru ne’e atu aprende, rona no hatene tuir lalaok enkontru AMAF nian.

Ministru hatutan, iha enkontru ne’e nivel Ministu nian ne’e rona no avalia fali servisu sira ne’ebé mak sira hala’o tiha ona iha tinan 2024 nian no sira aprova relatoriu tinan 2024 inklui halo mós desizaun ba rekomendasaun sira ne’ebé mak sei halo iha tinan 2026 nian. “ Ita nia nasaun oras ne’e dadauk sei sai hanesan observadór, ita presiza tuir enkontru sira ne’e, atu bele adapta a’an komprende Sistema sira, atu wainhira ita tama hanesan membru permanente, ita mos bele kontribui ba enkontru sira hanesan ne’e”. hatutan Nia.

Ministru akresenta, tinan oin Timor sai ona hanesan membru permanente no enkontru ida AMAF ne’e tinan tinan sei realiza, tinan ne’e iha Manila no lidera husi Ministru Agrikultura Manila, tinan kotuk Ministru Agrikultura Floresta husi Myanmar no enkontru ne’e deside ona katak tinan oin sei lidera AMAF husi Ministru Agrikultura Singapura.

Governante ne’e dehan, Enkontru ne’e sei lori benefísiu ba ita, tanba ita bele mai rona aprende lalaok Sistema oinsa enkontru AMAF ne’e, ikus mai ita mos sei sai membru no ita mos iha tempu balu mai sei sai organizador ka lidera enkontru AMAF ne’e rasik. Enkontru ne’e ita mos rona relatoriu husi Ministru AMAF ne’e halo ligadu ho setór Agrikultura, Pecuaria, Peska no Floresta. Ne’e duni enkontru ida ne’e ita aprende buat barak. Agora dadauk ita hanesaun Nasaun observador ita buka aprende saida mak ema halo ona hodi ikus mai ita bele aplika iha ita nia rai.

Iha enkontru AMAF ne’e mós kontinua ho ministru Ministru agrikultura Jepaun no Timor Leste hanesan nasaun observador, iha enkontru Nivel Ministru Agrikultura Floresta ba dala rua nian (2nd ASEAN- JAPAN Minister on agriculture and forestry meeting). Ekipa DMEA